چینئی : ہندوستان کے تجربہ کار تیز گیند باز بھونیشور کمار چوٹ لگنے کی وجہ سے ویسٹ انڈیز کے خلاف تین ونڈے میچوں کی سیریز سے باہر ہوگئے ہیں ان کی جگہ ممبئی کے تیز گیند باز شاردل ٹھاکر کو ٹیم میں جگہ مل سکتی ہے ۔ بھونیشور کمار بدھ کے روز ختم ہوئی ٹی 20 بین الاقوامی سیریز کے دوران زخمی ہوگئے تھے ۔
دراصل بی سی سی آئی کے افسروں نے رازداری کی بنیاد پر بتایا ،' بھونیشور سیریز سے باہو گئے ہیں اور شاردل ٹیم میں ان کی جگہ لیں گے ۔ شاردل بنگلہ دیش کے خلاف ٹی 20 بین الاقوامی سیریز کی ٹیم میں تھے اور جمعرات تک انہیں بڑودہ کے خلاف رنجی میچ میں ممبئی کی قیادت کی تھی ۔
آپ کو بتا دیں کہ بھونیشور کی چوٹ کے بارے میں حالانکہ پوری جانکاری نہیں مل پائی ہے لیکن سمجھا جارہا ہے کہ ان کی مانس پیشیوں میں کھنچاؤ ہے ۔ بھونیشور چوٹ سے واپسی کرنے کے بعد ویسٹ انڈیز کے خلاف ٹی 20 سیریز میں اپنی چھاپ چھوڑنے میں ناکام رہے تھے ۔ انہوں نے پہلے دومیچوں میں بغیر کوئی وکیٹ کیلئے 36-36 رن دئیے تھے جبکہ تیسرے ٹی 20 میچ میں چار اوور میں 41 رن دیکر دو وکٹ حاصل کئے ۔