اسپورٹس ڈیسک: آئی سی سی  کی جانب سے  ٹی ٹونٹی ورلڈ کپ ملتوی ہونے کے بعد اب  آئی پی ایل کے  19 ستمبر سے 8 نومبر کے درمیان  انعقاد کی کی خبریں سامنے آئی ہیں ۔  اس سے پہلے بھی بی سی سی آئی آئی پی ایل کروانے پر پورا زور دے رہا تھا۔ اس کے پیچھے کی وجہ یہ ہے کہ اگر آئی پی ایل نہیں ہوتا تو 4000 کروڑ کا نقصان ہوگا۔ بی سی سی آئی کے عہدیدار نے اس بارے میں معلومات دی ہیں۔

ایک اخبار سے بات کرتے ہوئے ، بی سی سی آئی کے ایک عہدیدار نے کہا کہ آئی پی ایل کا انعقاد  نہ کرنے کا مطلب بورڈ کو چار ہزار کروڑ روپے کا براہ راست نقصان  ہے۔ ہمیں پہلے ہی تقریباً 2000 دو ہزار کروڑ روپے کی ایڈوانس مل چکی ہے۔ آئی پی ایل نہ ہونے کا مطلب یہ ہوگا کہ ہمیں یہ رقم واپس کرنی پڑے گی ، یا تمام معاہدوں کو ایک سال کے لئے بڑھانا پڑے گا۔ دونوں آپشن بورڈ کے حق میں نہیں ہیں۔

ان کا مزید کہنا تھا کہ اگر ہم آئی پی ایل کو منسوخ کرنے کا اعلان کرتے تو اسٹار رقم کی واپسی کا مطالبہ کرتا اور معاملہ عدالتوں تک پہنچ جاتا۔ نیز ، ہمیں امید ہے کہ آئی سی سی ٹی ٹونٹی ورلڈ کپ کو آگے بڑھائے گا اور کھڑکی دستیاب ہوگی۔ کوئی نہیں جانتا کہ وبا کب کم ہوگی۔ لیکن اب ، ہمارے پاس آئی پی ایل 13 کا موقع ہے۔

غور طلب ہے  کہ آئی پی ایل کے چیئرمین برجیش پٹیل نے کہا ہے کہ آئی پی ایل اس بار 19 ستمبر سے شروع ہوگا اور 8 نومبر کو  فائنل میچ  مقابلہ متحدہ عرب امارات میں کھیلا جائے گا۔ تاہم ابھی تک حکومت کو اجازت نہیں مل سکی ہے۔  وہیں ، آئی پی ایل کی فرنچائزز 20 اگست تک آئی پی ایل کی تیاری کے لئے متحدہ عرب امارات پہنچیں گی۔ فی الحال ، مکمل شیڈول فراہم نہیں کیا گیا ہے۔