نئی دہلی : ہندوستان اور ویسٹ انڈیز کے درمیان آج نتیجہ کن اور تین میچوں کی ونڈے سیریز کا آخری مقابلہ کٹک میں کھیلا جائے گا ۔ بتا دیں کہ اس سے قبل پہلے میچ میں ویسٹ انڈیز ہندوستان کو 8 وکٹ سے زبردست شکست دی تھی لیکن دوسرے ہی میچ میں ہندوستان نے ویسٹ انڈیز کے سامنے 387 رنوں کا پہاڑ جیسا ہدف رکھا تھا جس کے سامنے ویسٹ انڈیز نے گھٹنے ٹیک دئیے اور ہندوستان نے یہ مقابلہ 107 رنوں سے یہ میچ جیت لیا تھا ۔
وہیں آج تیسرا اور سیریز کا فیصلہ کرنے والا آخری مقابلہ 1.30 بجے کٹک کے بارابتی سٹیڈیم کھیلا جائے گا اور سبھی کی نظریں اس مقابلے پر ہوں گی ۔
بارابتی سٹیڈیم میں وراٹ کوہلی کا نہیں کوئی خاص ریکارڈ
ہندوستانی کپتان وراٹ کوہلی بارابتی ستیڈیم میں ویسے بھی اپنا ریکارڈ سدھارنے کی کوشش کریں گے ۔ وراٹ کا بلہ اس میدان پر زیادہ نہیں چلا ۔ وہ یہاں کرکٹ کے تمام فارمیٹ کے چار میت میں صرف 34 رن ہی بنا سکے ہیں ۔