اسلام آباد : جمعیت علمائے اسلام-ایف کے مولانا فضل الرحمن اور دیگر اپوزیشن جماعتوں کے بینر تلے ہزاروں مظاہرین کے 'آزادی مارچ'نے عمران خان کو 'جعلی اور منتخب ' وزیر اعظم بتاتے ہوئے ان سے24  گھنٹوں کے اندر اندر استعفیٰ دینے کو کہا ہے.

'آزادی مارچ ' کا آغاز، صوبہ سندھ سے ہوا تھا ۔ یہ کارواں بدھ کے روز پنجاب کے شہر لاہور پہنچا اور جمعرات کی رات اسلام آباد میں اپنے سفر کا اختتام کیا۔ اپوزیشن رہنماؤں نے جمعہ کے روز پاکستان تحریک انصاف (پی ٹی آئی) حکومت کے خلاف تقریر کی تھی ۔ رہنماؤں اور وہاں جمع مظاہرین نے وزیر اعظم خان کو استعفیٰ دینے کے لئے دو دن کا الٹی میٹم دیا۔ پاکستان مسلم لیگ-نواز (پی ایم ایل-این)کے رہنماء  احسان اقبال نے 'آزادی مارچ ' سے خطاب کرتے ہوئے کہا کہ منتخب نمائندے (مسٹر عمران خان) کی کوئی عزت نہیں بچی ہے۔ انہوں نے کہا کہ جب تک ایک منتخب حکومت اقتدار میں نہیں آتی ہے، اس وقت تک ملک کی ترقی نہیں ہو سکتی۔

جمعیت علماء اسلام -ایف (جے یو آئی-ایف)سربراہ مولانا فضل الرحمن نے لوگوں سے خطاب کرتے ہوئے کہا کہ ملک کی موجودہ حکومت نے کشمیر کے لوگوں کو تنہا چھوڑ دیا۔  انہوں نے کہا کہ کشمیر کے لوگ آزادی اور خود ارادیت کے لئے لڑیں گے۔مسٹر فضل الرحمن نے بھی عمران خان کو وزیر اعظم کے عہدے سے استعفیٰ دینے کے لئے دو دنوں کی مہلت دی۔ انہوں نے کہا، ''ہم انہیں اب لوگوں کے جذبات سے کھیلنے نہیں دیں گے۔  ہم اب اور صبر نہیں رکھیں گے۔ ہم انہیں دو دن کا وقت دے رہے ہیں ۔