انٹرنیشنل ڈیسک: جنوبی امریکی ملک بولیویا( Bolivia ) میں جمعہ کے روز بڑا طیارہ حادثہ پیش آیا۔ دارالحکومت لاپاز(La Paz ) کے قریب واقع El Alto میں فضائیہ کا سی 130 ہرکیولیس فوجی کارگو طیارہ گر کر تباہ ہو گیا۔ اس حادثے میں کم از کم 15 افراد کی ہلاکت کی تصدیق کی گئی ہے جبکہ کئی دیگر زخمی بتائے جا رہے ہیں۔ عینی شاہدین اور مقامی میڈیا کی ویڈیوز کے مطابق بولیویا ایئر فورس ( Bolivian Air Force ) کا سی 130 طیارہ رن وے سے پھسل کر سڑک کی طرف مڑ گیا اور ایک میدان میں جا کر رکا۔ اس دوران کم از کم 15 گاڑیاں اس کی زد میں آ گئیں۔ سڑک پر ملبہ، جلی ہوئی گاڑیاں اور لاشیں بکھری ہوئی نظر آئیں۔ فائر بریگیڈ کے سربراہ پاویل تووار نے بتایا کہ آگ پر قابو پا لیا گیا ہے لیکن ہلاک ہونے والوں میں طیارے کے مسافر تھے یا سڑک پر موجود لوگ، یہ واضح نہیں کیا گیا۔
🚨💵 A military plane carrying cash crashed in Bolivia — a crowd that rushed to collect the scattered banknotes was dispersed with tear gas
Several local residents were detained. It was later revealed that the banknotes were not registered and had no legal tender status.
The… pic.twitter.com/XMJBeJgTqu
— NEXTA (@nexta_tv) February 28, 2026
سڑک پر بکھرے بینک نوٹ
طیارے میںسینٹرل بینک آف بولیویا( Central Bank of Bolivia ) کی جانب سے دوسرے شہروں کو بھیجی جانے والی نئی کرنسی لدی ہوئی تھی۔ حادثے کے بعد بڑی تعداد میں بینک نوٹ سڑک پر بکھر گئے۔ مقامی میڈیا کی ویڈیوز میں لوگ نوٹ جمع کرنے کے لیے موقع پر دوڑتے ہوئے دکھائی دیے۔ ہجوم کو منتشر کرنے کے لیے انسداد فساد پولیس نے آنسو گیس کا استعمال کیا۔ نابول ( NAABOL ) (Bolivian Air Navigation and Airports Authority) کے مطابق طیارہ مشرقی شہر سانتا کروز (Santa Cruz ) سے اڑا تھا اور لا پاز کے بین الاقوامی ہوائی اڈے پر لینڈنگ کے دوران حادثے کا شکار ہوا۔
🔴BOLIVIA 🇧🇴| A Bolivian Air Force C-130 Hercules aircraft, transporting a cargo of new Central Bank banknotes crashed on Friday, Feb 27, near El Alto International Airport in La Paz, likely due to adverse weather conditions. Initial toll indicates at least 15 dead & 30 injured. pic.twitter.com/bg75cC9V9V
— Nanana365 (@nanana365media) February 28, 2026
ایئرپورٹ کا آپریشن معطل
حادثے کے بعد ہوائی اڈے کی سرگرمیاں عارضی طور پر معطل کر دی گئیں۔ فضائیہ کے جنرل سرجیو لورا نے بتایا کہ عملے کے چھ ارکان میں سے دو رات دیر تک لاپتا تھے۔ حادثے کی وجوہات کی سرکاری تحقیقات شروع کر دی گئی ہیں۔ یہ حادثہ ایسے وقت پیش آیا ہے جب بولیویا معاشی چیلنجوں اور کرنسی کے دباؤ کا سامنا کر رہا ہے۔ بڑی مقدار میں نقدی کی منتقلی کے دوران پیش آنے والے اس حادثے نے سکیورٹی انتظامات پر بھی سوالات کھڑے کر دیے ہیں۔ حکومت اور وزارت دفاع نے تفصیلی تحقیقات کا یقین دلایا ہے۔