نیشنل ڈیسک: اگر آپ کم پیسوں میں بیرونِ ملک گھومنے کا مزہ لینا چاہتے ہیں اور خود کو کروڑ پتی جیسا محسوس کرنا چاہتے ہیں، تو جنوب مشرقی ایشیا کا چھوٹا مگر خوبصورت ملک لاوس (Laos) آپ کے لیے بہترین ہے۔ یہ ملک اپنی سستی کرنسی، قدرتی حسن اور پرسکون ماحول کے لیے جانا جاتا ہے۔
لاوس کی کرنسی: بھارتی روپیہ بناتا ہے امیر
لاوس کی کرنسی لاو کیپ (LAK) اتنی سستی ہے کہ ایک بھارتی روپیہ تقریباً 251.91 لاو کیپ کے برابر ہے۔ یعنی اگر آپ کے پاس 50,000 روپے ہیں، تو لاو س پہنچتے ہی آپ تقریباً 1.26 کروڑ لاو کیپ کے مالک بن جائیں گے۔ اسی وجہ سے بھارتی سیاح کم پیسوں میں بھی پ±رتعیش زندگی کا تجربہ کر سکتے ہیں۔

بھارت اور لاوس کا پرانا تعلق۔
لاوس کا پورا نام Lao People's Democratic Republic ہے اور اس کا دارالحکومت وینتیان ہے۔ بھارت اور لاوس کے تعلقات کافی پرانے ہیں۔ کہا جاتا ہے کہ سمراٹ اشوک کے دور میں جنوبی بھارت کے کئی لوگ آسام اور منی پور کے راستے ہند و چین کے علاقے تک پہنچے تھے۔ آج بھی لاوس کے لوگ خود کو بھارتی نڑاد مانتے ہیں۔ یہ ملک جنوب مشرقی ایشیا کا واحد ایسا ملک ہے جس کی کوئی ساحلی لکیر نہیں ہے۔

سستی لگژری لائف اور کھانے پینے کے مواقع
لاوس میں ہوٹل اور رہائش کا خرچ بہت کم ہے۔ یہاں ہوٹل 1,000 سے 2,500 فی رات کے حساب سے مل جاتے ہیں۔ بھارتی کرنسی کی طاقت کی وجہ سے کم پیسوں میں بھی آپ پرتعیش زندگی کا لطف اٹھا سکتے ہیں۔ اسٹریٹ فوڈ اور مقامی ریستورانوں میں آپ کو صرف 20 سے 40 روپے میں بھرپور کھانا مل جاتا ہے۔ روایتی ڈش اسٹکی رائس، لارب اور نوڈل سوپ یہاں کی مشہور ڈشیں ہیں۔
ٹرانسپورٹ اور گھومنے پھرنے کا خرچ
لاوس میں بس اور ٹک ٹک کی سواری بھی نہایت سستی ہے۔ عام طور پر 12 سے 40روپے میں آپ آسانی سے گھوم سکتے ہیں۔ اگر آپ ہوٹل، کھانا اور گھومنے پھرنے کا پورا خرچ شامل کریں، تو لاوس میں ایک دن کا خرچ اوسطاً 1,500 سے 3,000 کے درمیان آتا ہے۔ سات دن کے سفر پر کل خرچ تقریباً 40,000 سے 70,000 ہزارتک ہو سکتا ہے۔

بھارتی سیاحوں کے لیے آسان ملک
لاوس بھارتیوں کے لیے بہت سہل ملک ہے۔ یہاں ویزا آن ارائیول کی سہولت موجود ہے، یعنی پہلے سے ویزا کے لیے درخواست دینے کی ضرورت نہیں۔ ساتھ ہی کرنسی ایکسچینج کا عمل بھی آسان ہے۔