واشنگٹن : امریکہ نے کہا ہے کہ اگر ترکی شام میں ہتھیاروں کا اندھا دھند استعمال کر کے نسلی قتل عام کو انجام دیتا ہے تو اسے سخت پابندیوں کا سامنا کرنا ہوگا ۔ امریکی وزارت خارجہ کے ایک سینئر افسر نے جمعرات کو صحافیوں سے یہ بات کہی ۔
 امریکی افسر نے کہااگر ترکی اس طرح سے کام کرتا ہے جو کہ متضاد، غیر انسانی یا حدوں کو پار کرنے والے ہو ں تو صدر ڈونالڈ ٹرمپ کی پالیسی کے مطابق امریکہ اس پر سخت پابندیا ں عائد کر ے گا ۔ اگر ترکی نسلی قتل عام، فوجی سازوسامان اور ہتھیاروں کا غلط استعمال نیزعام شہریوں کے خلاف حملے کرتا ہے تو اسے سخت امریکی پابندیوں کا سامنا کرنا ہوگا ۔ 

اس سے قبل ترکی نے بدھ کو شمالی شام میں کرد جنگجوؤں کی قیادت والی فوج اور آئی ایس کے خلاف حملے کر کے اپنی فوجی مہم کا آغاز کر دیا ہے ۔ ترکی کا کہنا ہے کہ وہ اپنی سرحد کے نزدیک محفوظ علاقے بنانے کے لئے یہ حملے کر رہا ہے ۔ ترکی کے اس فوجی مہم کی عرب لیگ، یورپی یونین کے اراکین سمیت مغربی ممالک نے بھی تنقید کی ہے ۔ واضح ر ہے کہ امریکی حمایت یافتہ کرد جنگجو شام میں اپنے ساتھیوں کے ساتھ آئی ایس کے خلاف لڑ رہے ہیں ۔