نیروبی: افریقی ملک کینیا کے مغربی علاقے میں ڈیم ٹوٹنے سے کم از کم 40 افراد ہلاک ہو گئے۔ کینیا پولیس نے یہ اطلاع دی۔ پولیس افسر سٹیفن کیروئی نے خبر رساں ادارے ایسوسی ایٹڈ پریس کو بتایا کہ ڈیم ٹوٹنے کے بعد سیلابی پانی گھروں میں داخل ہو گیا اور ایک بڑی سڑک تک رابطہ منقطع ہو گیا۔ پولیس کے مطابق یہ واقعہ پیر کی صبح گریٹ رفٹ ویلی کے علاقے مائی ماہیو میں واقع پرانے کجابے ڈیم کے ٹوٹنے کے بعد پیش آیا۔
گریٹ رفٹ ویلی کے علاقے میں سیلاب آنے کا خطرہ بنا رہتاہے۔ ڈیم ٹوٹنے کے بعد پانی نیچے کی طرف بہنے لگا۔کینیا میں گزشتہ چند دنوں سے جاری شدید بارشوں کے باعث کئی علاقوں میں سیلابی صورتحال بنی ہوئی ہے۔ سیلاب کی وجہ سے اب تک 100 کے قریب افراد ہلاک ہوچکے ہیں اور اسکولوں کے کھلنے میں تاخیر ہورہی ہے۔