پاکستان عوامی تحریک کے سربراہ ڈاکٹر طاہر القادری نے سیاست سے کنارہ کرنے کا اعلان کردیا ۔ جیو نیوز کے مطابق انہوں نے ویڈیو کانفرنس کے ذریعے خطاب کرتے ہوئے کہا کہ ہم نے بد عنوانی کے خلاف عوام کو بیدار کرنے میں اپنی طرف سے بھر پور کردار ادا کیا ہے ۔ پارلیمنٹ کا حصہ بن کر سب کچھ اپنی آنکھوں سے دیکھا ، پارلیمنٹ میں سب کچھ ہوتا ہے لیکن عوامی کی بھلائی کیلئے کچھ نہیں ہوتا ۔
طاہر القادری نے اقتدار میں قابض سیاسی جماعت پر حملہ کرتے ہوئے کہا کہ بد قسمتی کی بات ہے کہ ہمارے سماج میں غریب اور درمیانی طبقے کی کوئی گنجائش نہیں رہی ۔ زیادہ تر ممبر پارلیمنٹ صرف اقتدار میں بنے رہنے کیلئے زندہ رہتے ہیں ۔