اسلام آباد : پاکستان کی ایک عدالت نے وزیر اعظم عمران خان کے قریبی اور وزیر سائنس اینڈ ٹیکنا لوجی فواد چودھری کو نوٹس بھیجا ہے ۔ فواد چودھری کو اپنی جائیداد ظاہر نہ کرنے کے معاملے میں نااہل قرار دینے کے مطالبے والی عرضی پر الیکشن کمیشن اور وزارت قانون کو نوٹس جاری کئے گئے ہیں ۔
اسلام ہائی کورٹ کے چیف جسٹس اطہر من اللہ نے اس عرضی پر شنوائی کی جس کے دوران عرضی دہندہ کے وکیل نے کہا کہ چودھری اب ایماندار اور حقیقت پسند نہیں رہے ۔ انہوں نے جھیلم میں اپنی زمینوں کو ظاہر نہیں کیا اور جس کے چلتے عدالت کو انہیں وفاقی کابینہ کے عہدے کیلئے نا اہل قرار دینا چاہئے ۔ عرضی دہندہ کے وکیل نے کہا کہ چودھری نے الیکشن کمیشن میں کاغذات نزمدگی داخل کرتے ہوئے اپنی جائیداد کو چھپایا۔
اس پر چیف جسٹس نے وکیل سے پوچھا کہ کیا ہائی کورٹ کو سیاسی معاملات میں مداخلت کرنی چاہئے ۔ وکیل نے یاد کیا کہ سابق وزیر اعظم نواز شریف اور پاکستان تحریک انصاف کے سینئر لیڈر جہانگیر ترین کو اسی مدعے پر نا اہل قرار دیا گیا تھا ۔
عدالت نے جواب دیا کہ پاکستان مسلم لیگ (ن) نے خواجہ آصف کو نا اہل قرار دے دیا گیا تھا لیکن بعد میں خود بحالی کردی گئی تھی ۔ چیف جسٹس نے کہا کہ ،' عدالتوں کو اداروں کے طور پر سیاسی معاملوں میں شامل نہیں ہونا چاہئے ۔ ''