نیو یارک: امریکی فضائیہ کے خصوصی ’تھنڈربرڈز‘ دستے کے ایک لڑاکا طیارہ جنوبی کیلیفورنیا کے ریگستان میں حادثے کے دوران تباہ ہو گیا۔ خوش قسمتی یہ رہی کہ پائلٹ بروقت محفوظ طریقے سے باہر نکلنے میں کامیاب رہا۔ فوج نے یہ معلومات فراہم کیں۔ سان برنارڈینو کاونٹی کے فائر ڈیپارٹمنٹ کے مطابق، پائلٹ کا ہسپتال میں علاج کیا جا رہا ہے اور اسے جان لیوا چوٹ نہیں آئی ہے۔
نیواڈا میں واقع ’نیلس ایئر فورس بیس‘ کی جانب سے جاری بیان کے مطابق، ایف-16سی فائٹنگ فالکن بدھ کی صبح تقریباً 10:45 بجے کیلیفورنیا میں ”کنٹرول شدہ ہوائی علاقے میں تربیتی مشن کے دوران حادثے کا شکار ہوا۔ فائر ڈیپارٹمنٹ نے بتایا کہ طیارہ لاس اینجلس سے 290 کلومیٹر شمال میں واقع موجاوی ریگستان کے ٹرونا کے قریب حادثے کا شکار ہوا۔ اس سے قبل 2022 میں بھی ٹرونا کے قریب بحریہ کا ایک ایف/اے-18ای سپر ہارنیٹ طیارہ حادثے کا شکار ہوا تھا، جس میں پائلٹ ہلاک ہو گیا تھا۔