میلان : مشہور پنجابی گلوکار اور اداکار ببو مان اپریل کے پہلے ہفتے سے اپنے یورپ ٹور کا آغاز کریں گے۔ ان کے ٹور سے متعلق معلومات دیتے ہوئے مشہور پروموٹر پنکج ڈھینگرہ، وکاس گروور، روبن، گردیپ، کرن اور جے پی اینڈ سنج کے چیئرمین یوگندر سنگھ نے معلومات دیتے ہوئے بتایا کہ ببو مان اپریل کے پہلے ہفتے سے اٹلی پہنچ رہے ہیں، جہاں وہ یورپ کے مختلف ممالک میں اپنے لائیو اسٹیج شو پیش کریں گے۔
انہوں نے معلومات دیتے ہوئے بتایا کہ پروموٹر سندیپ گل کی کوششوں کی بدولت بریشیا کے مونٹیکیارے میں 4 اپریل کو پہلا شو ہوگا اور دوسرا شو دارالحکومت روم میں 5 اپریل بروز اتوار ہوگا۔ روم میں ہونے والے شو کی جگہ گراندے ریکارڈو روڈ سے 26 نمبر ایگزٹ لے کر روم سینٹر کی طرف جاتے ہوئے (روم 2) مارکیٹ کے بالکل دوسری جانب کھلے ہال ATLANTICO میں کرایا جا رہا ہے جس میں دو ہزار کے قریب سیٹیں ہیں جہاں بیٹھ کر ناظرین ببو مان کی گائیکی کا لطف اٹھا سکتے ہیں۔ روم میں 5 اپریل کو ہونے والے شو کی ٹکٹوں کی فروخت آن لائن شروع ہو چکی ہے اور آپ ٹکٹیں ابھی سے ہی خرید سکتے ہیں۔