اقوام متحدہ : اقوام متحدہ جنرل سیکرٹری اینٹونیو گتاریس نے کہا کہ عالمی ادارہ فنڈ کی کمی سے جوجھ رہا ہے ۔ انہوں نے کہا کہ اقوام متحدہ کے پاس 23 کروڑ ڈالر نقدی کی کمی ہے اور اکتوبر کے آخر تک اس کے پاس جمع تمام رقم پوری طرح ختم ہو جانے کا خدشہ ہے ۔ 

اقوام متحدہ سیکرٹریٹ میں کام کرنے والے 37000 کارکنوں کو لکھے خط میں گتاریس نے پیر کے روز کہا کہ کارکنوں کو تنخواہ اور دیگر بھتے دینے کیلئے اخراجات میں کمی لانے کو لے کر اضافی اقدامات اٹھائے جائیں گے ۔ انہوں نے لکھا،' ممبران ممالک نے 2019 کے لئے ضروری ہمارے باقاعدہ بجٹ کی صرف 70 فیصد ادائیگی کی ہے ۔ جس کے سبب ستمبر میں ادارے کے پاس 23 کروڑ ڈالر نقدی کی کمی ہے ۔ ہمارے سامنے اس ماہ کے آخر تک پہلے سے پڑی نقدی ختم ہونے کی امید ہے ۔ 

گتاریس نے خرچ میں کمی لانے کیلئے اجلاس ، میٹنگوں  کو ٹالنے اور سہولات میں کٹوتی کا ذکر کیا ہے ۔ ساتھ ہی انہوں نے صرف ضروری کام کاج کو لے کر دورے اور بجلی بچت کیلئے قدم اٹھانے کا بھی ذکر کیا ہے ۔ اقوام متحدہ کے افسر کے مطابق جنرل سیکرٹری نے ممبران ممالک سے اس سال کے آغاز میں عالمی ادارے کی نقدی سے متعلق مسئلہ دور کرنے کیلئے تعاون رقم بڑھانے کو کہا تھا لیکن ممبران ممالک نے اس سے انکار کردیا ۔ 
گتا ریس نے کہا کہ،' اقوام متحدہ کی مالی صورتحال کیلئے ممبران ممالک ہی ذمہ دار ہیں ۔ '' اقوام متحدہ کا بجٹ 2018-19 کیلئے قریب 5,4 ارب ڈالر تھا ۔ اس میں امریکہ کا تعاون 22 فیصد رہا ۔ امن سے متعلق کاموں کیلئے ہونے والا خرچ شامل نہیں ہے ۔