دبئی: سعودی عرب نے غیر ملکی مرد و خواتین کو لے کر ایک بڑا فیصلہ کیا ہے ۔ اس کے تحت اب انہیں ہوٹل کے کمرے میں ساتھ رہنے کی اجازت مل گئی ہے ۔ پہلے انہیں ساتھ رہنے کیلئے اپنا رشتہ بتانا پڑتا تھا ۔ یہ فیصلہ نئی ٹورسٹ ویزا پالیسی کے تحت لیا گیا ہے جو سیاحوں کو لبھانے کیلئے بناگئی ہے ۔
اس کے علاوہ سعودی خواتین کو بھی اپنے لئے کرائے پر ہوٹل کا کمرا لینے کی اجازت دے دی گئی ہے ۔ اس قدم سے خواتین کو آسانی سے سفر کرنے اور غیر شادی شدہ غگیر ملکی سیاحوں کے ساتھ رہنے کا راستہ بھی صاف ہو گیا ہے ۔ اس مسلم ملک میں شادی کے بغیر جسمانی تعلقات بنانا جرم ہے ۔ سعودی کمیشن فار ٹورازم اینڈ نیشنل ہیرٹیج نے اس خبر کی تصدیق کی ہے ۔
کمیشن نے کہا کہ سبھی سعودی شہریوں کو ہوٹل میں چیک - ان کرتے وقت اپنے پریوار کا شناختی کارڈ یا رشتے کا ثبوت دینا ہوگا ۔ وہیں غیر ملکی سیاحوں کیلئے یہ لازمی نہیں ہے ۔
اب سعودی سمیت سبھی خواتین اکیلے ہوٹل میں رک سکتی ہیں اور چیک ان پر انہیں آئی ڈی دکھانی ہوگی ۔ سعودی عرب نے گذشتہ ہفتے 49 ممالک کے سیاحوں کے لئے اپنے دروازے کھول دئیے ہیں کیونکہ وہ اس شعبے کو ڈیولپ اور اپنی معیشت کو صرف تیل کی برآمدات پر منحصر نہیں رکھنا چاہتا ۔