نئی دہلی : وزیر اعظم نریندر مودی فرانس  میں جی-7 اجلاس میں شرکت کرنے کے بعد بھارت واپس لوٹ آئے ہیں ۔ وزیر اعظم مودی آج آنجہانی مرکزی سابق وزیر خزانہ اور بھاجپا کے سینئر لیڈر ارون جیتلی کے پریوار سے بھی ملاقات کریں گے ۔ بتا دیں کہ ارون جیتلی کا سنیچر کے روز دہلی ایمز میں انتقال ہوگیا تھا اور اس دوران وزیر اعظم مودی  غیر ملکی دورے پر تھے اور وہ جیتلی کی آخری رسومات میں شامل نہیں ہو پائے تھے ۔ وزیر اعظم نریندر مودی اقوام متحدہ ارب امارات (یو اے ای)، بحرن اور فرانس کے دورے پر گذشتہ ہفتے 22 اگست کو روانہ ہوئے تھے ۔ اس دوران وزیر اعظم مودی نے امریکی صدر ڈونالڈ ٹرمپ سمیت کئی عالمی لیڈروں سے ملاقات کر تمام عالمی مدعوں بھی چرچہ کی ۔ 
وزارت خارجہ کے ترجمان رویش کمار نے پیر کے روز وطن واپسی کرتے ہوئے کہا کہ 'الوداع فرانس !' تینوں ممالک فرانس ، اقوام متحدہ عرب امارات  اور بحرین کے معنی خیز دورے ختم '۔ اس دوران دو طرفہ اور کثیر الجہتی چرچائیں ہوئیں ۔ دوست ممالک کے ساتھ بھارت کے تعلقات کو گہرائی دی گئی اور عالمی سطح پر ہماری آواز بلند ہوئی ۔ حالانکہ بھارت جی 7- کا حصہ نہیں ہے ۔ فرانس کے صدر ایمونوئل  میکرون نے وزیر اعظم مودی کو اتوار اور پیر کے روز ہوئے اجلاس میں شرکت کیلئے ذاتی طور پر مدعو کیا تھا ۔  اجلاس سے الگ وزیر اعظم مودی نے ٹرمپ سے ملاقات کی اور کشمیر پر ہندوستان - پاکستان کے درمیان تیسرے فریق کے ذریعے ثالثی کی کسی بھی گنجائش کو خارج کرتے ہوئے کہا کہ دونوں ممالک دو طرفہ مدعوں پر مسائل کا حل نکال سکتے ہیں ۔