نیشنل ڈیسک : مشرقی دہلی سے ایم پی گوتم گمبھیر کی پاکستانی بچی کو ویزا دلانے والی اپیل کو وزارت خارجہ نے قبول کرلیا ہے ۔  دل کی بیماری سے متاثر 6 سال کی اس بچی اور اس کے والدین کو ویزا جاری کرنے کے احکامات دئیے گئے ہیں ۔ بتا دیں کہ گوتم گمبھیر دہشت گردانہ حملوں کو لے کر پاکستان پر کافی حملہ آور رہتے ہیں ۔ حالانکہ جب بات انسانیت کی آئی تو انہوں نے وزارت خارجہ کو گذارش کرتے ہوئے خط لکھا ۔ گمبھیر نے یکم اکتوبر کو خط لکھا تھا ۔ وزیر خارجہ ایس جے شنکر نے انہیں جواب میں 9 اکتوبر کو خط لکھ کر بتایا کہ پاکستان میں واقع ہندوستانی سفارتخانہ کو  ویزا جاری کرنے کے احکامات دئیے گئے ہیں ۔ 

اس کے بعد گمبھیر نے وزیر خزانہ کا شکریہ ادا کرتے ہوئے ٹویٹ کیا ۔ اس پار سے ایک ننھے دل نے دستک دی ، اس پار دل نے سب سرحدیں مٹا دیں۔ ان ننھے قدموں کے ساتھ بہتی ہوئی میٹھی بھی آئی ہے ۔ کبھی کبھی ایسا بھی لگتا ہے جیسے بیٹی آگئی ہے ۔ پاکستانی ابچی اور اس کے والدین کو ہارٹ سرجری کیلئے ویزا دستیاب کرانے کیلئے وزیر خزانہ کا شکریہ ۔ 

وہیں گمبھیر نے میڈیا سے بات چیت میں کہا کہ میں نے ہمیشہ کہا ہے کہ مجھے مسئلہ پاکستان حکومت ، آئی ایس آئی اور پاکستان میں موجود دہشت گرد تنظیموں سے  ہے لیکن اگر 6 سال کی بچی کا ہندوستان میں علاج ہو سکتا ہے تو اس سے بہتر اور کیا ہو سکتا ہے ۔ انہوں نے مزید کہا کہ میں نے ،' وزیر خارجہ سے گذارش کی تھی اور انہوں نے میری گذارش قبول کر لی ہے ۔ جس کیلئے میں انکا شکر گذار ہوں ۔ میں وزیر اعظم اور وزیر داخلہ کا بھی شکر گذار ہوں ۔