قاہرہ : اسرائیل نے غزہ اور مصر کے درمیانرفح بارڈر کراسنگ کو محدود فلسطینی آمد و رفت کے لیے تجرباتی طور پر کھولنے کا اعلان کیا ہے۔ اس اقدام کو اسرائیل-حماس جنگ بندی کو آگے بڑھانے کے لیے اہم سمجھا جا رہا ہے۔
اتوار کورفح سرحد پر چہل پہل دیکھی گئی۔ اسرائیلی فوجی ایجنسی C.O.G.A.T نے کہا کہ کراسنگ کو مکمل طور پر آپریشن کے لیے تیار کیا جا رہا ہے، جس سے غزہ کے رہائشی یہاں سے آمد و رفت کر سکیں گے۔ مصری حکام نے بتایا کہ فلسطینی سیکیورٹی اہلکار مصری گیٹ کے ذریعے کراسنگ میں داخل ہوئے اور یورپی یونین مشن کے تحت داخلے اور اخراج کی نگرانی کی جائے گی۔
وزیر اعظم بینجا من نیتن یاہو نے کہا کہ شروع میں 50 مریضوں کو جانے کی اجازت دی جائے گی اور ہر مریض کے ساتھ 2 خاندانی افراد کو سفر کرنے کی اجازت دی جائے گی۔ جنگ کے دوران غزہ چھوڑنے والے تقریباً 50 افراد کو روزانہ واپس آنے کی اجازت دی جائے گی۔ اس عمل کی نگرانی یورپی یونین کے سرحدی گشت ایجنٹ کریں گے۔