نیشنل ڈیسک : آج آدھی رات کے بعد جیسے ہی کیلنڈر کی تاریخ بدلکر 7 ستمبر ہوگی ، اگلے چند گھنٹوں میں ملک ایک بڑی حصولیابی حاصل کر لے گا ۔ اگر سب کچھ ٹھیک رہتا ہے تو علی الصبح تین بجے سے پہلے چاند پر ترنگا لہرا رہا ہوگا ۔ چندریان 2 کا لینڈر وکرم رات کو ڈیڑھ بجے سے ڈھائی بجے کے قریب چاند پر لینڈ کرے گا ۔ امریکہ ، روس اور چین کے بعد ہندوستان ہی ایسا ملک ہوگا جو چاند پر اترنے میں کامیاب رہا ہے ۔
چینٹی سے بھی سست چلے گا پرگیان :
چاند کی سطح پر 6 پہیوں والا روور پرگان 1 سینٹی میٹر فی سیکنڈ کی رفتار سے چلے گا ۔ یہ چال چیٹی سے بھی دھیمی ہے ۔ کالی چینٹی کی اوسط چال 8 سینٹی میٹر فی سیکنڈ مانی جاتی ہے ۔ یہ چاند کی سطح پر کل 500 میٹر تک چلے گا ۔ اس میں لگا 50 واٹ کا سولر بیٹی سسٹم اس کی سبھی سرگرمیوں کے لئے توانائی دستیاب کرے گا ۔ یہ اپنی تمام اطلاعات لینڈر وکرم تک بھیجے گا ۔ یہ چاند کی سطح پر اس کی معدنی صورتحال کا مطالع کرے گا ۔ یہ چاند کے ایک دن جو زمین کے 14 دن کے برابر ہے ، سطح پر سرگرم رہے گا ۔
15 منٹ بعد پہلی تصویر
لینڈنگ کے 15 منٹ بعد وکرم سطح کی پہلی تصویر بھیجے گا ۔ ڈیزائن لینڈر وکرم کو اس طرح سے ڈیزائن کیا گیا ہے کہ یہ لینڈنگ کے وقت 2 میٹر فی سیکنڈ یعنی 7.2 کلو میٹر فی گھنٹہ کو برداشت کر سکے ۔ اس میں لگا 650 واٹ کا سولر سسٹم اسے سبھی سرگرمیوں کے لئے توانائی دیگا ۔