انٹر نیشنل ڈیسک:ملائیشیا کے ایک شخص کو اپنی حاملہ بیوی سے جھوٹ بولنا بھاری پڑ گیا۔ یہ کہانی ان دنوں سوشل میڈیا پر تیزی سے وائرل ہو رہی ہے جس نے لوگوں کو حیران بھی کر دیا ہے اور غصہ بھی دلایا ہے۔ دراصل یہ شخص اپنی بیوی (جو جلد ہی چوتھے بچے کی ماں بننے والی ہے) سے یہ کہہ کر گیا تھا کہ وہ کام کے سلسلے میں ساتھی کارکنوں کے ساتھ تھائی لینڈ کے ہاٹ یائی جا رہا ہے۔ بیوی نے شوہر پر بھروسہ کیا اور اسے جانے دیا۔
سیلاب میں پھنسا، بیوی نے مانگی مدد
ہاٹ یائی (Hat Yai) میں شدید سیلاب آیا اور اس دوران جب شوہر سے صحیح طرح سے رابطہ نہیں ہو پایا تو بیوی بے حد پریشان ہو گئی۔ مدد کے لیے بیوی نے سوشل میڈیا پر @psmommyhannah نامی ایک خاتون سے رابطہ کیا جو سیلاب بچاو¿ کی معلومات شیئر کر رہی تھی۔ بیوی کو لگا کہ اس کا شوہر واقعی پھنس گیا ہے۔ بیوی کی طرف سے بتائے گئے ہوٹل کا نام اور معلومات لے کر @psmommyhannah نے اپنے رشتہ داروں سے ہوٹل میں جا کر اس شخص کو تلاش کرنے کے لیے کہا۔
رشتہ دار پہنچے تو ہوا دھوکہ
جب بیوی کے رشتہ دار ہوٹل پہنچے تو وہاں کی حقیقت بالکل الگ نکلی جس نے سب کو حیران کر دیا۔ پتا چلا کہ وہ شخص جس "ساتھی کارکن" کا نام اپنی بیوی کو بتاتا تھا وہ دراصل ایک عورت تھی اور پچھلے چار دنوں سے وہی عورت اس کے ساتھ ہوٹل کا کمرہ شیئر کر رہی تھی۔ یہ انکشاف خود @psmommyhannah نے کیا۔ انہوں نے بتایا کہ بیوی کو اس دھوکے (Betrayal) کے بارے میں کچھ بھی پتا نہیں تھا۔
شک نہ ہونے کی وجہ
خاتون نے بتایا کہ بیوی کو کوئی شک اس لیے نہیں ہوا کیونکہ شوہر لگاتار اس سے رابطے میں رہتا تھا اور سب کچھ معمول کے مطابق دکھاتا تھا۔
'عجب ٹوپی باز' کہہ کر بھڑکے یوزرز
سوشل میڈیا پر یہ معاملہ وائرل ہوتے ہی یوزرز نے غصے بھرے ردعمل دینا شروع کر دیے:
ایک یوزر نے لکھا، باپ رے عجب ٹوپی باز آدمی ہے یہ تو۔
دوسرے نے تبصرہ کیا، ایسے لوگوں کی وجہ سے پوری مرد ذات بدنام ہو رہی ہے۔
اس کہانی کو ایک خبردار کرنے والے پیغام کے طور پر شیئر کیا گیا ہے کہ بھروسہ کرنے سے پہلے محتاط رہنا کتنا ضروری ہے۔