انٹرنیشنل ڈیسک: لندن کے ہیتھرو ہوائی اڈے سے حیدرآباد کے لیے روانہ ہونے والی برٹش ایئرویز کی پرواز کو منگل کی صبح خراب موسم کی وجہ سے ناگپور کے ڈاکٹر بابا صاحب امبیڈکر بین الاقوامی ہوائی اڈے کی طرف موڑنا پڑا۔ معلومات کے مطابق یہ پرواز صبح تقریباً 5:30 بجے ناگپور ہوائی اڈے پر اتاری گئی۔
حیدرآباد میں خراب موسم اور بہت کم ویزیبلٹی کی وجہ سے پائلٹ کو جہاز کی لینڈنگ کروانے میں مشکل ہو رہی تھی، جس کے بعد جہاز کو ناگپور ڈائیورٹ کر دیا گیا۔ ہوائی اڈے کے حکام نے بتایا کہ حفاظت کے پیش نظر تمام مسافروں کو جہاز سے اتار دیا گیا ہے اور ان کے رہنے اور کھانے پینے کا انتظام کیا جا رہا ہے۔

فی الحال جہاز کچھ تکنیکی وجوہات کی بنا پر ناگپور ہوائی اڈے پر ہی کھڑا ہے۔ ان تکنیکی پہلووں کی جانچ کے بعد ہی جہاز کو اگلی پرواز کے لیے روانہ کیا جائے گا۔ ہوائی اڈے کے سینئر حکام نے تصدیق کی ہے کہ صورتحال مکمل طور پر قابو میں ہے اور مسافروں کی حفاظت کو ترجیح دی جا رہی ہے۔