نیویارک: صدر ڈونالڈ ٹرمپ نے پیر کو نیویارک ٹائمز اخبار اور اس کے چار صحافیوں کے خلاف 15 بلین ڈالر کا ہتک عزت کا مقدمہ دائر کر دیا۔ یہ معلومات عدالتی دستاویزات سے ملی ہیں۔ فلوریڈا میں امریکی ڈسٹرکٹ کورٹ میں دائر کیے گئے مقدمے میں اخبار کے دو صحافیوں کی طرف سے لکھے گئے اور 2024 کے انتخابات سے قبل شائع ہونے والے کئی مضامین اور ایک کتاب کا حوالہ دیا گیا ہے۔ اس میں کہا گیا ہے کہ یہ صدر ٹرمپ کے خلاف جان بوجھ کر اور بدنیتی پر مبنی بدنامی کرنے کےنیویارک ٹائمز کے دہائیوں پرانے رجحان کا حصہ ہیں۔
مقدمے میں کہا گیا ہے، مدعا علیہان نے ایسے بیانات کو لاپرواہی سے شائع کیا، بیانات کے جھوٹے ہونے کے علم کے ساتھ، اور ان کی سچائی یا جھوٹ کو لاپرواہی سے نظر انداز کر تے ہوئے نیویارک ٹائمز نے منگل کی صبح تبصرہ کرنے کے لیے بھیجے گئے ای میل کا فوری طور پر جواب نہیں دیا۔ مقدمے کا اعلان کرتے ہوئے ٹروتھ سوشل پر ایک پوسٹ میں، ٹرمپ نے نیویارک ٹائمز پر ان کے بارے میں جھوٹ بولنے اور انہیں بدنام کرنے کا الزام لگایا اور کہا کہ یہ بنیاد پرست بائیں بازو کی ڈیموکریٹ پارٹی کا ورچوئل ماوتھ پیس بن گیا ہے۔
ٹرمپ نے دیگر میڈیا تنظیموں پر بھی حملہ کیا ہے، جس میں وال اسٹریٹ جرنل اور میڈیا ٹائیکون روپرٹ مرڈوک کے خلاف جولائی میں 10 بلین امریکی ڈالر کا ہتک عزت کا مقدمہ دائر کرنا بھی شامل ہے جب اخبار نے امیر فنانسر جیفری ایپسٹین سے ٹرمپ کے تعلقات کے بارے میں ایک خبر شائع کی تھی۔