ممبئی : اداکار اور ایم پی ( ممبر پارلیمنٹ) سنی دیول اور اداکارہ کرشما کپور کی ایک 22 سال پرانے معاملے میں مصیبت بڑھ سکتی ہیں ۔ ریلوے عدالت نے 1997 میں آئی ایک فلم کی شوٹنگ کے دوران چین پلنگ کے ایک معاملے میں ان کے خلاف الزام طے کر دئیے ہیں ۔ عدالت کے مطابق ان دونوں سٹارز نے 22 سال پہلے غیر قانونی طریقے سے ٹرین کی ایمر جنسی چین کھینچی تھی جس کی وجہ سے ٹرین 25 منٹ کی تاخیر سے چلی ۔اس سے مسافروں کو پریشانی کا سامنا کرنا پڑا تھا ۔ اس بات کی جانکاری سنی دیول اور کرشمہ کپور کے وکیل نے دی ہے ۔
بتا دیں کہ کرشمہ اور سنی کے علاوہ سٹنٹ مین ٹینو ورما اور ستیش شاہ کے خلاف بھی فلم کی شوٹنگ کیلئے غیر قانونی طور سے اجمیر ڈویژن کے نرینہ ریلوے سٹیشن میں داخلہ کرنے کا الزام ہے ۔ یہ شکایت نریلہ کے سیتا رام مال کر نام کے سٹیشن ماسٹر نے ریلوے پولیس میں درج کروائی تھی ۔
منگل کے روز عدالت نے تینوں گواہوں کو ضمانتی وارنٹ کے ساتھ 24 ستمبر کو ہونے والی اگلی سماعت کیلئے نوٹس بھیجا ہے ۔ گورداس پور سے ایم پی سنی دیول بدھ کے روز کیس کے سلسلے میں جے پہنچ گئے ہیں ۔