اسپورٹس ڈیسک: فیفا ورلڈ کپ کی افتتاحی تقریب میںیہاں کئی معززین نے شرکت کی، جب کہ ہندوستان کی عظیم شخصیات میں سے ایک، نائب صدر جگدیپ دھنکھر بھی تقریب میں موجود تھے۔ دراصل،  فیفا ورلڈ کپ کی افتتاحی تقریب میں ہندوستان کو بھی مدعو کیا گیا تھا جس کی وجہ سے نائب صدر دھنکھر نے اس تقریب میں ہندوستان کی نمائندگی کی۔ وہ  قطر کے حکمران شیخ تمیم بن حمد الثانی اور دیگر معززین کے ساتھ فیفا ورلڈ کپ قطر 2022 کی افتتاحی تقریب میں شرکت کی۔
واضح رہے کہ نائب صدر دھنکھر کو قطر کے حکمران شیخ تمیم بن حمد الثانی نے افتتاحی تقریب کے لیے مدعو کیا تھا، جس کی وجہ سے انہوں نے قطر کا دو روزہ دورہ کیا ہے۔قطر ریاست میں ہندوستان کے سفیر دیپک متل اور قطر کی جانب سے وزارت خارجہ کے دیگر سینئر عہدیداروں نے دوحہ کے حمد انٹر نیشنل ہوائی اڈے پر نائب صدر جمہوریہ کا استقبال کیا۔ اپنے دورے کے دوسرے دن انہوں نے ہندوستانی کمیونٹی کے سرکردہ افراد سے بھی ملاقات کی۔
نائب صدر دھنکھر فیفا ورلڈ کپ کی افتتاحی تقریب کے دوسرے دن دوحہ کے ڈی پی ایس اسکول پہنچے، جہاں ہندوستانی برادری نے ان کا پرتپاک استقبال کیا۔ دھنکھر نے اقوام متحدہ کے صدر انتونیو گٹیرس سمیت قطر میں کئی عالمی رہنماؤں سے بھی ملاقات کی۔