انٹرنیشنل ڈیسک : اب مریض مرکر بھی زندہ ہو جائیں گے ، ایسا ہم نہیں بلکہ امریکہ کے ڈاکٹروں کا دعویٰ ہے ۔ مریض کے شدید طور پر زخمی ہونے یا پھر دل کا دورہ پڑنے پر اسے امریکہ کے ڈاکٹرز مردہ بنا کر علاج کریں گے اور پھر زندہ کر دکیں گے ۔ امریکی ڈاکٹروں نے اس کیلئے 10 لوگوں پر کامیاب تجربہ بھی کیا ہے ۔ امریکہ کے بالٹی مور شہر میں یونیورسٹی آف میری لینڈ سکول آف میڈیسن سینٹر کے ڈاکٹروں نے یہ حیران کر دینے والا کارنامہ کیا ہے ۔
یونیورسٹی آف میری لینڈ سکول آف میڈیسن سینٹر کے ڈاکٹر سیمیوئل ٹشر مین اور ان کی سرجیکل ٹیم نے اس میڈیکل ٹیسٹ کو انجام دیا ۔ ڈاکٹر سیمیوئل ٹشر مین نے بتایا کہ کئی بار مریض بیحد سنگین حالت میں تو سرجری کے دوران ہی اس کی موت ہو جاتی ہے ۔ ایسے میں ڈاکٹروں کے پاس اسے بچانے کیلئے وقت نہیں ملتا ۔
انہوں نے کہا کہ اس لئے اگر ڈاکٹر مریض کو اسی زخمی حالت میں مردہ بنا دیں تو انہیں اسے ٹھیک کرنے کا وقت مل جائے گا ۔ یونیورسٹی آف میری لینڈ سکول آف میڈیسن سینٹر کے ڈاکٹر سیمیوئل ٹشر مین نے انسان کو مار کر اس کا علاج کرنے کے بعد واپس زندہ کرنے کی جو تکنیک اپنائی اس کا نام ہے 'ایمر جنسی پرزرویشن اینڈ ریس سٹیشن ( ای پی آر) ہے ۔