نیشنل ڈیسک :آرٹیکل 370 کے التزامات کو ختم کئے جانے کے تقریباً چھ ماہ بعد مرکزی وزرا ء کا ایک گروپ جموں و کشمیر کا دورہ کرے گا ۔ یہ وزرا ء آرٹیکل 370 ہٹائے جانے کے مثبت اثرات اور علاقہ کیلئے حکومت کے ترقیاتی اقدامات سے لوگوں کو واقف کرانے کیلئے جموں و کشمیر کے دورہ پر جائیں گے ۔ وزرا ء کے جموں و کشمیر دورہ کے پروگرام کو 17 جنوری کو مرکزی وزرا ء کونسل کی ایک میٹنگ میں حتمی شکل دئیے جانے کا امکان ہے ۔ ذرائع کے مطابق یہ دورہ مرکزی وزیر داخلہ امت شاہ کی ایک پہل پر ہورہا ہے اور وزرات اس میں کو آرڈینیٹ کررہی ہے ۔
https://twitter.com/ANI/status/1217448113868169216?ref_src=twsrc%5Etfw%7Ctwcamp%5Etweetembed%7Ctwterm%5E1217448113868169216&ref_url=https%3A%2F%2Furdu.news18.com%2Fnews%2Fnation%2Funion-ministers-to-visit-jammu-and-kashmir-end-of-january-6-months-after-scrapping-special-status-imt-289888.html
جموں و کشمیر کا دورہ کرنے والے ان وزراء میں پیوش گوئل ، روی شنکر پرساد ،اسمرتی ایرانی ، انوراگ ٹھاکر ، وی کے سنگھ ، ہردیپ سنگھ پوری ، آر کے سنگھ ، گری راج سنگھ ، مہندر ناتھ پانڈے ، سادھوی نرنجن جیوتی سمیت کئی بڑے لیڈران شامل ہیں ۔ یہ لیڈران 18جنوری سے 25 جنوری کے درمیان جموں و کشمیر کا دورہ کرسکتے ہیں ۔
آرٹیکل 370 ہٹائے جانے کے چھ ماہ کے بعد جموں و کشمیر میں مرکزی حکومت کے وزرا ء کے الگ الگ مقامات پر پروگرام ہیں ۔ مرکزی وزرا ء جموں میں 51 مقامات پر اور سری نگر میں 8 مقامات پر منعقدہ پروگراموں میں شرکت کریں گے ۔
اس پروگرام میں مرکزی حکومت کے الگ الگ مرکزی وزیر شرکت کریں گے ۔ یہ وزرا ء عوامی ریلی یا پھر الگ الگ پروگراموں میں آرٹیکل 370 ہٹانے کے پیچھے حکومت کی منشا کا تذکرہ کریں گے ۔ اس کے بعد جموں اور کشمیر کو کیا فائدہ ہوا ہے ، اس سے بھی عوام کو واقف کرائیں گے ۔