اقوام متحدہ: اقوام متحدہ نے امریکی بیان کی تصدیق نہیں کی ہے جس میں دہشت گرد تنظیم دولت اسلامیہ (آئی ایس)کے رہنماء ابوبکر البغدادی کی ہلاکت کا اعلان کیا گیا تھا۔

اقوام متحدہ کے ترجمان فرحان حق نے پیر کے روز ایک پریس کانفرنس میں کہا کہ اقوام متحدہ کا خیال ہے کہ ایسی اطلاعات کو زمینی سطح پر متعدد حکام کی طرف سے تصدیق کیا جانا باقی ہے۔انہوں نے بغدادی کی ہلاکت کے اعلان کے حوالے سے کہا ، ہم ذاتی طور پر اس کی درستگی کی تصدیق نہیں کرسکتے ہیں۔

بتا دیں کہ اتوار کے روز امریکی صدر ڈونالڈ ٹرمپ نے کہا تھا کہ،'ظالمانہ تنظیم آئی ایس آئی ایس کا سرغنہ اور دنیا کا نمبر ایک دہشت گرد ابو بکر البغدادی ایک کتے اور بزدل کی طرح مارا گیا ۔ انہوں نے وہائٹ ہاس میں پریس کانفرنس کے دوران بغدادی کی موت کی تصدیق کرتے ہوئے کہا تھا کہ  امریکہ کے 9 سوان دستے نے ایک طرف سے بند سرنگ میں آئی ایس سرغنہ کا پیچھا کیا اور جب اس کے پاس بچنے کا کوئی راستہ نہیں بچا تو اس نے فدائین جیکیٹ میں دھماکہ کر کے خود کو اور تین دیگر کو اڑا لیا ۔ وہ اپنی زندگی کے آخری لمحات میں رویا ، چیخا اور چلایا ۔