اگر آپ نے بھی ٹویٹر پر اکاؤنٹ بنایا ہوا ہے تو یہ خبر آپ کے لئے بیحد ضروری ہے ۔کیونکہ مائیکرو بلاکنگ سائٹ ٹویٹر نے بدھ کو اعلان کیا کہ جن صارفین کے اکاؤنٹ گزشتہ 6 مہینے سے سرگرم نہیں ہیں، ان اکاؤنٹس کو کمپنی آنے والے دنوں میں بند کردے گی ۔
کمپنی نے اکاؤنٹ ڈیلیٹ کرنے کی وجہ بیان کرتے ہوئے کہا کہ اس کے کچھ یوزر نیم فری ہوجائیں گے ۔ ٹویٹر نے کہا کہ وہ ان غیر فعال اکاؤنٹس ہولڈرز کو ای میل بھیجے گی اور کہے گی کہ 11 دسمبر سے پہلے اپنے اکاؤنٹ کو ایک بار ضرور کھولیں اور اس پر سرگرمی دکھائیں۔صارفین کی جانب سے ایسا کرنے پر ان کے اکاؤنٹ کو ڈیلیٹ نہیں کیا جائے گا۔
یاہو کر بھی چکی ہے اکاؤنٹ فری
آپ کو بتادیں کہ ٹویٹر واحد ایسی کمپنی نہیں ہے جو غیر فعال اکاؤنٹس کو لیکر اس طرح کے اقدامات کر رہی ہے۔2013 میں یاہو نے بھی ہزاروں یاہوں اکاؤنٹس کو فری کیا تھا ، جنہیں 12 مہینے سے چلایا نہیں گیا تھا ۔