اگر آپ آدتیہ برلا آئیڈیا پیمنٹس لمیٹڈبنک(اے بی آئی پی بی ایل) کے گاہک ہیں تو آپ کے لئے ایک ضروری خبر ہے۔دراصل فروری 2018 میں کاروبار شروع کرنے والا آدتیہ برلا آئیڈیا پیمنٹس لمیٹڈ بنک اپنا کاروبار سمیٹنے جا رہا ہے۔بھارتی ریزروبنک کے مطابق کمپنی کے رضاکارانہ طور پر اپنا کاروبار سمیٹنے کی درخواست کرنے کے بعد اس کے بند کرنے کی منظوری دے دی گئی ہے۔
آر بی آئی نے جاری کیا نوٹیفکیشن
ریزروبنک نے ایک نوٹیفکیشن جاری کرتے ہوئے کہا کہ آدتیہ برلا آئیڈیا پیمنٹس بنک لمیٹڈ کو رضاکارانہ طور پر بند کرنے کی درخواست پر ممبئی ہائی کورٹ نے 18 ستمبر 2019 کو حکم جاری کر دیا ہے۔آر بی آئی نے بتایا کہ ممبئی ہائی کورٹ نے ڈے لائٹ تاؤچے تومستو انڈیا (ایل ایل پی) کے سینئر ڈائریکٹر وجے کماراےّر کو اس کے لئے لکوڈیٹر مقرر کیا ہے۔
میسج کے ذریعے لوگوں کو کیا دلایا یقین
غور طلب ہے کہ اس سال جولائی کے آغاز میں آدتیہ برلا آئیڈیا پیمنٹس بنک نے اپنا کاروبار سمیٹنے کا اعلان کیا تھا۔کمپنی نے اس کے پیچھے اہم وجہ غیر متوقع صورتحال کے چلتے کاروبار کا غیر عملی ہونا بتائی تھی۔اس کے بعد بنک نے آفیشیل ویب سائٹ پر میسج کے ذریعے اپنے کاروبار کو سمیٹنے کی معلومات دیں۔اس میسج میں بنک نے اپنے گاہکوں کے لئے لکھا ہے ' ہم آپ کو یقین دلانا چاہتے ہیں کہ بنک نے آپ کی جمع رقم کی واپسی کے لئے پورا انتظام کیاہے'۔میسج میں کہا گیا ہے کہ ہم آپ سے آن لائن / موبائل بنکنگ / قریب ترین بنکنگ پوائنٹ کے ذریعے پیمنٹس بنک میں جمع رقم کو ٹرانسفر کرانے کی درخواست کرتے ہیں۔