جونپور: نجی پروگرام میں پہنچے راجستھان کے گورنر کلراج مشرا نے کہا کہ آئین کی دھجیاں اڑانے والے لوگ ہی بول رہے ہیں کہ آئین کی دھجیاں اڑائی جا رہی ہیں۔بدقسمتی سے ایسا کہنے والوں میں دانشور طبقے کے لوگ بھی شامل ہیں۔ انہوں نے کہا کہ اب تک حق کی باتیں بہت ہوئی ہیں۔اب ضرورت ہے کہ لوگوں کو ان کا آئینی فرض بتایا جائے۔فرض کا احساس کرانے سے حب  الوطنی جاگے گی،اور لوگ ملک مخالف کام کرنے سے پہلے سوچیں گے۔
ملک مخالف حرکتوں سے ملک کمزور ہوتا ہے
 بتا دیں کہ مشرا بڑے بھائی کی پوترودھو کو آشیرواد  دینے  کے لئے ایک تقریب میں شامل ہونے پہنچے تھے۔ جہاں انہوں نے کہا کہ صحیح بات کو غلط بات بتا کر آئین بچانے کے نام پر تشدد اور پتھراؤ کر ملک کو گمراہ کیا جا رہا ہے۔ آئین میں بتائے گئے فرائض کو جاننا ضروری ہے۔ اس کی معلومات نہیں ہونے سے ہی لوگ ملک  مخالف اور قانون میں خلل ڈالنے کا کام کر رہے ہیں۔وہ پارلیمنٹ سے منظور قانون کو بھی نہیں مان رہے ہیں۔ایسا کرنے سے صرف ملک کمزور ہوتا ہے جو ٹھیک نہیں ہے۔
پارلیمنٹ کی طرف سے بنائے قانون پر عمل کرنا  تمام ریاستوں کی ذمہ داری 
انہوں نے کہا کہ آئین جاننے والا آئینی کام کاج میں رکاوٹ یا کسی مذہب میں اختلاف پیدا نہیں کرتا ہے۔ انہوں نے کہا کہ پارلیمنٹ کی طرف سے  بنائے گئے قانون پر عمل کرنا تمام ریاستوں کی ذمہ داری ہے۔ انہوں نے کہا کہ بنیادی حق اور فرض کی ہم آہنگی بنا کر تمام لوگ عمل کریں ، تبھی آئین کی حفاظت ہوگی۔ سیاسی سوال پر بحث سے انکار کرتے ہوئے انہوں نے کہا کہ پارلیمنٹ سے منظور قانون کی مخالفت کرنا غلط اور غیر آئینی ہے۔