نیشنل ڈیسک: سمتا مقام پر غیر معینہ بھوک ہڑتال پر بیٹھیں ڈی سی ڈبلیو (دہلی کمیشن وومن ) کی چیئر پرسن سواتی  مالیوال نے بدھ کو کہا کہ وہ تب تک اپنی  بھوک ہڑتال نہیں توڑے گی جب تک کہ بلاتکاری کو چھ ماہ کے اندر اندر پھانسی دینے کی ان کی مانگ پوری نہیں ہو جاتی۔مالیوال نے منگل  کی رات کو جنتر منتر پر بھوک ہڑتال کی شروعات کی لیکن بعد میں وہ اور ان کے حامی سمتا مقام پر چلے گئے۔سمتا مقام پر سابق نائب وزیر اعظم بابو جگ جیون رام کا  سمارک ہے ۔

دہلی خواتین کمیشن (ڈی سی ڈبلیو)کی قیادت کے ساتھ یکجہتی ظاہر کرنے کے لئے کئی خواتین راج گھاٹ کے قریب واقع سمتا مقام  پر پہنچیں۔مالوال نے ٹویٹ کیا کہ میری بھوک ہڑتال جاری گی ۔ہم لوگ راج گھاٹ پر یہ جنگ جاری رکھیں گے۔میں تب تک اپنی بھوک ہڑتال  نہیں  ختم کروںگی جب تک کہ میری مانگیں پوری نہیں ہو جاتیں۔

سواتی مالیوال کا کہنا ہے کہ نربھیا کے بلاتکاری کو پھانسی دی جائے۔دہلی میں 66 ہزار پولیس اہلکاروں کی تعداد بڑھائی جائے، تاکہ خواتین کے تحفظ کو یقینی بنایا جا سکے۔ملک بھر میں فاسٹ ٹریک کورٹ بنائے جائیں اور دہلی میں 45 فاسٹ ٹریک کورٹ بنائے جائیں۔اس کے ساتھ ہی پولیس کی جوابدہی طے کی جائے اور ان کو جدید ٹیکنالوجی سے لیس کیا جائے۔