سونی پت : ہندو مذہب کے خلاف غلط پرچار کے ملزم سوامی اگنی ویش نے شہریت ترمیم بل پر بڑا بیان دیا ہے۔اگنی ویش نے کہا کہ پورے ملک میں شدید عدم اطمینان کی آگ ہے، اس بل میں ہمیں فرقہ واریت کی بدبو آ رہی ہے ۔وہیں سوامی اگنی ویش نے نربھیا سانحہ کے ملزمان کو پھانسی کی سزا پر رد عمل ظاہر کرتے ہوئے کہا کہ 7 سال پہلے یہ کام ہو جانا چاہئے تھا لیکن 7 سال بعد ایسا محسوس ہو رہا ہے کہ عدلیہ کی ارتھی اٹھ چکی ہے۔

https://www.youtube.com/watch?time_continue=5&v=ci62yfMQhv4&feature=emb_logo

یہ بل ملک کو توڑنے والا ہے 
سونی پت کے ایک نجی یونیورسٹی میں پہنچے سوامی اگنی ویش نے پارلیمنٹ میں پیش ہوئے شہریت ترمیمی بل پر حکومت پر جم کر نشانہ سادھا ۔انہوں نے کہا کہ جس طرح سے بی جے پی حکومت بنی ہے، اسی طرح  وزیر اعظم  مودی  اور امت شاہ کی حکومت ملک کو تباہی کی طرف لے کر جا رہی ہے۔اس بل سے پورے ملک میں عدم اطمینان ہے، یہ بل ملک کو توڑنے والا بل ہے۔انہوں نے کہا کہ اس بل سے ہمیں فرقہ واریت کی مہک  بدبوہے ۔بل سے ملک خانہ جنگی کی طرف جائے گا۔آسام میں تو آگ لگ چکی ہے اور اتحادی جماعتیں اس کی مخالفت کر رہی ہیں۔

بی جے پی کوئی بھی چیز عوام پر مسلط کر دیتی ہے 
انہوں نے کہا کہ بی جے پی کوئی بھی چیز لا کر مسلط دیتی ہے اور عوام کو اندھیرے میں رکھا جاتا ہے۔پہلے یہ بل ویب سائٹ پر ڈالا جاتا اور اس پر بحث ہوتی تو اچھا رہتا، لیکن یہ بل ملک میں دہشت پھیلانے والا ہے۔ اقلیتوں کے درمیان عدم تحفظ کا احساس بڑھ رہا ہے۔وہیں اگنی ویش نے نربھیا سانحہ کے ملزمان کی پھانسی کی سزا پر خطاب کرتے ہوئے کہا کہ 7 سال بعد ایسا فیصلہ آنا انصاف عمل کی ارتھی اٹھانے جیسا ہے۔اگر نربھیا سانحہ کے ملزمان کو کھلے عام سزا دی جاتی، تو حیدرآباد جیسا سانحہ نہیں ہوتا۔