نئی دہلی : دہلی اندرا گاندھی انٹرنیشنل ایئر پورٹ پر جمعہ کی صبح ٹرمینل 3 پر ایک مشتبہ بیگ ملنے سے افرا تفری مچ گئی ۔ موقع پر پہنچی پولیس نے بیگ کو اپنے قبضے میں لے لیا ۔ دہلی پولیس کے ایک افسر نے بتایا کہ ہوائی اڈے پر  پولیس کو صبح تین بجے ایک مشتبہ بیگ کے بارے میں جانکاری ملی ۔ جسے فوراً موقع پر پہنچ کر قبضے میں لے لیا گیا ۔ اس کے اندر موجود سامان کی جانچ جاری ہے ۔

ایئر لائنز سے جڑے ذرائع نے بتایا کہ اس سے کچھ دیر کیلئے مسافروں میں افری تفری مچ گئی کیونکہ کچھ دیر کے لئے آمدورفت  ٹرمینل سے لوگوں کو باہر جانے سے روک دیا گیا تھا ۔ انہوں نے بتایا کہ ٹی 3 کے باہر کے راستے کو بھی بند کردیا گیا تھا ۔