نیشنل ڈیسک :ملک کی اقتصادی سست روی حکومت کے لئے بڑا چیلنج بنی ہوئی ہے۔اپوزیشن مسلسل اس مسئلے پر حکومت کو گھیر ر ہی ہے۔ اب بی جے پی (بھارتیہ جنتا پارٹی)سے ہی مخالفت کے سر سنائی دے رہے ہیں۔بی جے پی سے راجیہ سبھا ممبر پارلیمنٹ سبرامنیم سوامی نے ملک کے تازہ حالات پر طنز کرتے ہوئے کہا ہے کہ اس طرح سے معیشت گرانے کے لئے بھی دماغ چاہئے۔
انہوں نے اپنے ٹوٹر ہینڈل پر طنز کرتے ہوئے لکھا کہ عام طور پر رسیشن یعنی کہ مندی، مہنگائی کے ساتھ نہیں آتی ہے ، لیکن یہ ہو رہا ہے ۔عام مانگ میں کمی آنے کے بعد اشیاء کی قیمتیں نہیں بڑھتی ہیں۔لیکن اب ہندوستان کی معیشت میں یہ ساری خامیاں دیکھنے کو مل رہی ہیں۔اگرچہ، یہ باتیں مذاق میں کہہ رہا ہوں لیکن اس طرح سے فیل ہونے میں بھی دماغ لگتا ہے۔
https://twitter.com/Swamy39/status/1218749104471207936
سبرامنیم سوامی نے ایک دن پہلے ہی ڈالر کے مقابلے گرتے روپے پر عجیب و غریب بیان دیا تھا۔انہوں نے کہا تھا کہ ہندوستانی کرنسی کی حیثیت کو بہتر بنانے کے لئے نوٹ میں دھن کی دیوی لکشمی کی تصویر شائع کی جائے۔
انڈونیشیا کی کرنسی پر بھگوان گنیش کی تصویر چھاپنے کے سوال پر سبرامنیم سوامی نے کہا کہ'اس سوال پر وزیر اعظم نریندر مودی جواب دے سکتے ہیں۔تاہم، جہاں تک میری بات ہے تو میں اس کے حق میں ہوں۔ بھگوان گنیش رکاوٹوں کو دور کرتے ہیں۔میرا تو یہ کہنا ہے کہ دھن کی دیوی لکشمی کی تصویر بنک نوٹ میں چھاپنے سے ہندوستانی کرنسی کی صورت میں بہتر ہو سکتی ہیں۔اس پر کسی کو برا نہیں ماننے کی ضرورت نہیں ہے'۔