امرتسر : کبھی ہر وقت سرخیوں میں رہنے والے پنجاب کے سابق کیبنٹ وزیر نوجوت سنگھ سدھو آج کل اپنی ہی دنیا میں کھوئے ہوئے ہیں ۔ سیاسی تاج کو ٹھکرا کر وہ اب زمین سے جڑی زندگی میں مصروف ہیں ۔ سیاسی بیان بازی سے بھی اب وہ پرہیز کررہے ہیں ۔ انہوں نے تین بار اپنے علاقے کی تقریبات میں شرکت کی اور اپنے سکیورٹی کارکنوں کے گھیرے میں ہیر ہے ۔ 

گذشتہ پیر کو بھی سابق کیبنٹ وزیر نوجوت سنگھ سدھو نے اپنے حلقے کے وارڈ نمبر 47 کے ایکتا نگر اور وارڈ 31 کے راجندر نگر میں قتصادی کمزور بچوں کیلئے دو فری سکولوں کا افتتاح کیا ۔ وہاں پر انہوں نے میڈیا سے دوری بنائے رکھی ۔

اس موقع پر سدھو نے بیان جاری کر کہا کہ مشرقی انتخابی حلقے میں بھی ایسے سکول کھولے جائیں گے ۔ اس موقع پر بچوں کو مفت کتابیں ، یونیفارم  اور سکول بیگ بھی بانٹے گئے ۔ یہاں پر نوبل فاؤنڈیشن کے نمائندہ ، آئی وی ای چنڈرن پرل کے بانی راجندر ، کونسلر نودیپ ہندل، جسوندر سنگھ لاڈو ، راجندر سینی ، ماسٹر ہرپال امربیر سنگھ ، دمندیپ سنگھ ، گریش شرما ، جتندر سنگھ بھاٹیہ ، راجیش مدان ، جیت سنگھ بھاٹیہ ، مشٹھو مدان ، امیر سنگھ ، گھلی ، جرنیل بھلر، شلندر سنگھ شیلی ، سندیپ سرین ، نرمل سنگھ نما ، پردیپ شرما ، جسمیت سوڈھی وغیرہ موجود تھے ۔