پرگتی شیل سماجوادی پارٹی کے قومی صدر شیو پال سنگھ یادو نے بڑا بیان دیا ہے۔ شیو پا ل نے منگل کو ایک پروگرام کے دوران سماجوادی پارٹی سے صلح کے اشارے دیتے ہوئے کہا کہ ہم چاہتے ہیں کہ نیتا جی کی سالگرہ(22 نومبر) پر خاندان میں اتحاد ہو جائے تو اچھا ہے ۔ انہوں نے کہا ہے کہ مجھے وزیر اعلیٰ نہیں بننا ہے۔ ہماری کوشش ہے کہ بھتیجہ سمجھ لے گا تو ہم 2022 میں بھتیجے اکھلیش یادو کو اتر پردیش کا پھر سے وزیر اعلیٰ بنائیں گے۔
شیو پال سنگھ یادو نے سماجوادی سے اتحاد کے بارے میں کہا کہ ہمارا نظریہ اور ہماری ترجیح سماجوادی ہے۔ کیونکہ ہم نے نیتا جی کے ساتھ طویل وقت گزارا ہے۔اگر ہمیں اتحاد کے لئے کہا جاتا ہے تو ہماری پارٹی سماجوادی پارٹی کے ساتھ اتحاد کرے گی۔ہمیں وزیر اعلیٰ کے عہدے کی کوئی ضرورت نہیں ہے۔ہم چاہتے ہیں کہ اکھلیش یادو وزیر اعلی بنیں۔
بتا دیں کہ ابھی حال ہی میں چچا بھتیجے یعنی شیو پال اور اکھلیش یادو ایک ساتھ ملائم سنگھ یادو کے گھر پر دکھائی دیئے تھے۔اتر پردیش کے وزیر اعلیٰ یوگی آدتیہ ناتھ ملائم سنگھ یادو کا حال چال جاننے ان کے گھر پہنچے تھے تو شیو پال اور اکھلیش ساتھ نظر آئے تھے۔اس سے پہلے بھی اکھلیش یادو نے شیو پال کو پارٹی میں واپس آنے کی اشاروں-اشاروں میں دعوت دی تھی، لیکن بات آگے نہیں بڑھ سکی تھی۔