فروخ آباد : ایک ماں جب اپنے بچے کو جنم دیتی ہے تو اس کا بھی ساتھ  میں دوسرا جنم ہوتا ہے ۔ ایسا مانا جاتا ہے ۔ بچہ جب پیدا ہوتا ہے تو شاید ہی ماں سے زیادہ خوشی کسی اور کو ہوتی ہوگی ۔ اس کے  پیدا ہونے کے بعد سے ہی ماں اپنے بچے کو آنچل سے  لگائے رکھتی ہے اور جب اتک بچہ بولنے نہیں لگتا تب تک ایک ماں ہی ہے جو بغیر بولے بھی اپنے بچوں کو ساری باتیں سمجھ لیتی ہے ۔ اس کو اچھی پرورش سے لے کر دیکھ بھال کرنے تک ماں قدم - قدم پر اپنے بچوں کا ساتھ نبھاتی ہے لیکن کئی ایسے لوگ ہتے ہیں جو کسی بھی رشتے کا خیال نہیں رکھتے اور انسانیت کو شرمسار کرنے  رکھ دیتے ہیں ۔ ایسا ہی ایک بڑا حیران کرنے والا معاملہ فروخ آباد کے سامنے آیا ہے ۔ جہاں ایک خاتون نے اپنی ممتا کا خیال نہیں رکھا اور اپنی پیدا ہوئی بیٹی کو نالے میں پھینک دیا ۔ اس واردات نے ہر کسی کو جھکجھور کر رکھ دیا ہے ۔ 

بتا دیں کہ فروخ آباد صدر کوتوالی  علاقے کے محلے گنگا نگر میں مین نالے کی صفائی چل رہی تھی ۔ صفائی  کارکن اجے کمار والمیکی نالے کی صفائی کررہا تھا ۔ تبھی اسے کوڑا نکالتے وقت پھاوڑے میں نوزائیدہ  بچی کی لاش ملی ۔ جسے دیکھ کر وہ حیران رہ گیا ۔ پھر اس نے صفائی انچارج  شفیق کو واردات کی جانکاری دی ۔ وہیں واردات کی جانکاری ہونے پر مقامی بھاجپا لیڈر جے کمار نے پولیس کو واردات کی اطلاع دی ۔ 
جانکاری ملنے پر جائے واردات پر قادری گیٹ چوکی ہیڈ کانسٹیبل اروند دوبے اور پون دو کارکن موقع پر پہنچے ۔ انہوں نے بچی کی لاش کو قبضے میں لے کر چوکی انچارج بلراج بھاٹی کو پوری واردات سے آگاہ کرایا ۔ نوزائیدہ بچی کی لاش کا پنچ نامہ بھر کر پوسٹ مارٹم کے لئے بھیجا گیا ہے ۔ ساتھ ہی پولیس یہ بھی جانچ کرنے میں جٹ گئی ہے کہ آخر دنیا دیکھنے سے پہلے ہی بچی کا قاتل کون ہے ۔ جس نے 9 ماہ تک اپنے پیٹ میں پالنے کے بعد موت کی نیند سلا دیا ۔