نئ دہلی: شاہین باغ میں دہلی کو نوئیڈا سے جوڑنے والی سڑک پر سی اے اے کے خلاف تقریباً 50 دنوں سے احتجاجی مظاہرہ چل رہا ہے۔ آج یہاں پر کئی ہندو تنظیموں کو مظاہرہ کرنا تھا ، لیکن پولیس نے اجازت نہیں دی تھی، اس کے بعد انہوں نے اپنا مظاہرہ منسوخ کر دیا تھا۔ دوسری طرف آج صبح 11.30 بجے اچانک 20 سے 25 لوگ آ گئے اور شاہین باغ مظاہرین کے خلاف دھرنے پر بیٹھ گئے۔
یہ لوگ نوئیڈا-کالندی کنج سڑک کو کھولنے کا مطالبہ کر رہے تھے۔ان لوگوں نے کہا کہ وہ کسی تنظیم سے منسلک نہیں ہیں اور آس پاس کے لوگ ہیں۔ مظاہرہ کر رہے ایک شخص نے کہا ہے کہ وہ آٹو چلاتا ہے اور اس جام کی وجہ سے اس کی قسط نہیں دے پا رہا ہے۔
m/ANI/status/1223890635008032768?ref_src=twsrc%5Etfw%7Ctwcamp%5Etweetembed%7Ctwterm%5E1223890635008032768&ref_url=https%3A%2F%2Faajtak.intoday.in%2Fstory%2Fshaheen-bagh-anti-caa-protest-delhi-police-delhi-kalindi-kunj-road-caa-supporter-1-1160300.html
پولیس ان لوگوں کو سمجھا ہی رہی تھی کہ اچانک شاہین باغ کے سامنے کی جھگیوں سے 100 سے 150 لوگ وہاں پر آ گئے اور سڑک کھلوانے کا مطالبہ کرنے لگے۔ پولیس کے مطابق یہاں پر بھیڑ بڑھتی گئی اور کچھ ہی دیر میں خواتین بھی آگئیں۔پولیس ان لوگوں کو سمجھانے کی کوشش کرتی رہی لیکن یہ نہیں مانے۔ یہ لوگ سڑک پر بیٹھ گئے اور شاہین باغ خالی کرو کے نعرے لگانے لگے ۔ان میں سے کچھ لوگوں نے وندے ماترم اور' ملک کے غداری کو ... گولی مارو ... کو'جیسے نعرے لگائے۔ پولیس کے کہنے پر جب یہ لوگ نہیں مانے تو انہیں بسوں میں بھر کر لے جایا جانے لگا۔ تاہم، اب بھی بہت سے لوگ وہیں پر موجود ہیں اور مظاہرہ کر رہے ہیں۔
حالات کو دیکھتے ہوئے پیرا ملٹری فورس کی تعیناتی بھی کر دی گئی ہے ۔ پولیس آس پاس کے لوگوں پر نظر رکھ رہی ہے ۔بتادیں کہ شاہین باغ کے پاس کی کل ایک نوجوان نے فائرنگ کی تھی ۔شاہین باغ میں سیکورٹی بڑھا دی گئی ہے۔