شہریت ترمیمی قانون( سی اے اے)کے خلاف ملک بھر میں مظاہرے ہو رہے ہیں۔ راجدھانی دہلی میں بھی مظاہرے مسلسل بڑھتے جا رہے ہیں، ملک میں مختلف حصوں میں مظاہرین کو حراست میں بھی لیا گیا ہے۔دہلی کے علاوہ پورے ملک میں اس کا اثر دکھائی دے رہا ہے۔مظاہروںکو بالی وڈ کی بھی حمایت مل رہی ہے۔

بالی وڈ اداکارہ شبانہ اعظمی نے مظاہروں کی حمایت کرتے ہوئے نغمہ نگار جاوید اختر کے دو شعر پڑھے ہیں۔اس کے علاوہ شبانہ نے پرامن مظاہرہ کی مانگ بھی ہے۔شبانہ نے کہا، جو مجھ کو زندہ جلا رہے ہیں وہ بے خبر ہیں کہ میری  زنجیر دھیرے دھیرے پگھل رہی ہے۔میرا قتل تو ہو گیا تمہاری گلی میں  لیکن، میرے لہو سے تمہاری دیوار گل رہی ہے۔

https://twitter.com/AzmiShabana/status/1207580665778192384?ref_src=twsrc%5Etfw%7Ctwcamp%5Etweetembed%7Ctwterm%5E1207580665778192384&ref_url=https%3A%2F%2Faajtak.intoday.in%2Fstory%2Fbollywood-actor-shabana-azmi-reaction-over-protest-against-nrc-tmov-1-1147398.html
شعر پڑھنے کے بعد شبانہ اعظمی نے کہا کہ مجھے امید ہے کہ حکومت ہماری آواز دبانے کے بجائے، ہماری آواز سنے گی۔آج کے لوگ جو احتجاج کر رہے ہیں۔ میں مکمل طور ان کے ساتھ ہوں۔میں یہاں شامل نہیں ہو سکی کیونکہ میں ہندوستان میں نہیں ہوں، لیکن میں اپیل کرتی ہوں کہ کسی طرح کا تشدد نہ ہو۔

مخالفت کرنے والوں کی لسٹ میں بالی وڈ اداکار اور جاوید اختر کے بیٹے فرحان اختر کا نام بھی جڑ گیا ہے، فرحان اختر نے تمام مظاہرین سے اگست کرانتی میدان میں جمع ہونے کے لئے کہا ہے۔فرحان نے ٹویٹ کیا، یہاں، آپ کو یہ جاننے کی ضرورت ہے کہ یہ احتجاج بہت ضروری ہے۔  19 تاریخ کو آپ سے اگست کرانتی میدان، ممبئی میں ہی ملیں گے۔صرف سوشل میڈیا پر احتجاج کرنے کا وقت اب ختم ہو گیا ہے۔