امرتسر : امرتسر میں ویرکا کے گاؤں میں آج پولیس نے ایک گھر میں چھاپے ماری کر کے جسم فروشی کے دھندھے کا پردہ فاش کیا ہے ۔ جانکاری کے مطابق پولیس کو خفیہ اطلاع ملی تھی کہ یہاں ایک گھر میں زبردستی لڑکیوں سے جسم فروشی کا دھندہ کروایا جاتا ہے ۔ پولیس نے اس سیکس ریکٹ کا پردہ فاش کرتے ہوئے گھر میں قید ایک لڑکی کو بھی چھڑوایا ہے ۔
اس بارے میں میڈیا سے بات چیت کے دوران متاثرہ لڑکی نے بتایا کہ اس گھر میں رہنے والی ایک خاتون پستول دکھا کر اس سے غلط کام کرواتی تھی ۔ جب اس نے منع کیککیا تو اس سے مارپیٹ کی جاتی اور اسے زبردستی نشہ دیا جاتا تھا ۔ متاثرہ نے بتایا کہ سکھی نے اس کی فحش تصاور اور ویڈیو بنائی ہوئی تھی ، جس کا ڈر دکھا کر اس سے غلط کام کروایا جاتا تھا ۔