گاندربل (میر آفتاب) : دہلی میں ہوئے دھماکے کے بعد سکیورٹی ایجنسیاں مکمل طور پر الرٹ موڈ پر آ گئی ہیں۔ اسی سلسلے میں گاندربل پولیس نے منگل کو ضلع بھر میں پرانی گاڑیوں کی خرید و فروخت کرنے والی اکائیوں پر وسیع پیمانے پر چھان بین مہم چلائی۔
پولیس کی خصوصی ٹیموں نے مختلف تھانوں کے دائرہ اختیار میں آنے والے اداروں کا دورہ کر کے دستاویزات کی جانچ، ملکیت کے ریکارڈ کی تصدیق اور لین دین کے رجسٹرز کی باریکی سے پڑتال کی۔ اس کارروائی کا مقصد کسی بھی غیر قانونی سرگرمی، گاڑی کے ممکنہ غلط استعمال اور بغیر تصدیق کیے گئے سودوں کو پکڑنا تھا، جن کا استعمال غیر قانونی سرگرمیوں میں کیا جا سکتا ہے۔
چھان بین کے دوران پولیس افسران نے دکانداروں اور ملازمین کو واضح ہدایات دی کہ
تمام خرید و فروخت کے ریکارڈ منظم اور اپ ڈیٹ رکھیں،
گاہکوں کی شناخت لازمی طور پر تصدیق کریں،
اور ہر لین دین کو مقررہ قانونی طریقہ کار کے تحت درج کریں۔
پولیس نے یہ بھی ہدایت دی کہ کسی بھی مشتبہ شخص، گاڑی یا لین دین کی معلومات فوراً قریبی تھانے کو دی جائیں۔ گاندربل پولیس نے کہا کہ ضلع میں امن و امان اور سکیورٹی برقرار رکھنے کے لیے ایسے معائنہ مہمات آئندہ بھی باقاعدگی سے جاری رہیں گے۔ پولیس کا دعوی ہے کہ عوامی تحفظ کو متاثر کرنے والی کسی بھی سرگرمی پر سخت نگرانی کی جا رہی ہے۔