بہرائچ : سابق ایم پی ساوتری بائی پھولے  نے کانگرس پارٹی سے استعفیٰ دے دیا ہے ۔ استعفیٰ دینے کے بعد ساوتری بائی پھولے نے کانگرس پر الزام لگاتے ہوئے کہا کہ ان کی آواز پارٹی میں نہیں سنی جارہی تھی ۔ اسی وجہ سے میں نے استعفیٰ دیا ہے ۔ سابق ایم پی نے کہا کہ اب وہ اپنی خود کی پارٹی بنائیں گی ۔ 

پرینکا گاندھی پر لگائے سنگین الزامات
ساوتری بائی پھولے نے کانگرس جنرل سیکرٹری پرینکا گاندھی پر الزام لگایا کہ ان سے جب ہم نے آئین نافذ کروانے اور ای وی ایم کے خلاف آواز اٹھانے کا مطالبہ کیا تو انہوں نے اس پر کوئی رد عمل نہیں دیا ۔ 

یاد رہے کہ سال 2014 میں ساوتری بائی پھولے بھارتیہ جنتا پارٹی کے ٹکٹ پر بہرائچ سے انتخابات جیت کر پارلیمنٹ پہنچی تھیں لیکن پارٹی سے کسی مدعے پر تنازعہ ہونے کے چلتے انہوں نے بھاجپا سے استعفیٰ دے دیا تھا ۔ اس کے بعد اسی سال 2 مارچ کو انہوں نے کانگرس کا دامن تھام لیا تھا ۔