نیشنل ڈیسک: مہاراشٹر میں سیاسی گھمسان تھمنے کا نام نہیں لے رہا ہے۔ریاست میں صدر راج نافذ ہونے کے بعد بھی الزام تراشی کا سلسلہ جاری ہے۔ایک کے بعد ایک بی جے پی پر حملے بول رہے شیوسینا لیڈر سنجے راوت نے ہفتہ کو شاعرانہ انداز میں جوابی حملہ کیا۔

https://twitter.com/rautsanjay61/status/1195546557321338880
راوت نے ہفتہ کو ٹویٹ کرتے ہوئے لکھا کہ' یاروں نئے موسم نے یہ احسان کیا ہے۔ یاد مجھے درد پرانے نہیں آتے۔دراصل بی جے پی اور اس کے حامی شیوسینا رہنماؤں کی جانب سے پارلیمنٹ سے لے کر پبلک فورم میں دئیے گئے بیانات کو یاد دلایا رہے ہیں۔  اس میں خاص طور پر وہ بیان شامل ہیں جن سنجے راوت، ادھو ٹھاکرے اور آدتیہ ٹھاکرے نے این سی پی اور کانگرس پر حملہ بولا ہے۔مانا جا رہا ہے شیوسینا لیڈر نے اسی کا جواب دیا ہے۔

https://twitter.com/rautsanjay61/status/1195163401468743681
وہیں اس سے پہلے راوت نے لکھا تھا کہ 'بندے ہیں ہم اس کے ہم پر کس کا زور، امیدوں کے سورج نکلے چاروں اور'۔ راوت کے اس ٹویٹ کو تینوں جماعتوں کے درمیان حکومت تشکیل پر بات چیت سے جوڑ کر دیکھا جا رہا ہے-

بتا دیں کہ بی جے پی-شیوسینا کے درمیان اقتدار میں برابر کی شرکت اور وزیر اعلی عہدے کو   لیکر رسہ کشی کی  وجہ سے  مہاراشٹر میں گزشتہ 22 دن سے نئی حکومت کا قیام نہیں ہو سکا ہے۔انتخابات کے نتائج آنے کے بعد سے ہی سنجے بی جے پی کے خلاف بیان بازی کر رہے ہیں اور دعویٰ کر رہے ہیں کہ وزیر اعلیٰ تو شیوسینا کا ہی ہوگا۔