رام مندر کو لے کر سپریم کورٹ میں سماعت چل رہی ہے۔اس مسئلے کو لے کر آج تک نے بی جے پی کے ممبر پارلیمنٹ ساکشی مہاراج سے بات چیت کی۔ساکشی مہاراج رام مندر تحریک سے جڑے ہوئے ہیں۔ان کا کہنا ہے کہ رام مندر تو وہیں بنے گا اور 2019 میں ہی رام مندر کی تعمیر کریں گے۔اسے کوئی روک نہیں سکتا۔ساکشی مہاراج نے یہ بھی کہا کہ زیادہ تر مسلم فریق بھی مندر وہیں بنانے کے حق میں ہیں۔
انہوں نے کہا کہ شیعہ کمیونٹی نے بھی کہا ہے کہ ساری زمین مندر کو دے دیں۔ساکشی مہاراج کا کہنا ہے کہ جو سماعت سپریم کورٹ میں چل رہی ہے، اس میں حقائق مندر کے حق میں ہیں۔لہٰذا پوری امید ہے کہ سپریم کورٹ کا فیصلہ بھی رام مندر کے حق میں جائے گا۔جو ہندو چاہتے ہیں کہ رام مندر وہیں بنے، ان کی خواہش پوری ہوگی۔
ساکشی مہاراج کا کہنا ہے کہ ایک دو مہینے میں بہترین اچھی خبر سننے کو ملے گی اور وہ اچھی خبر ہوگی خوبصورت اور شاندار رام مندر کی تعمیر کی۔ساکشی مہاراج نے کہا کہ وزیر اعظم نریندر مودی نے گزشتہ 100 دنوں میں اتنے بڑے بڑے کام کئے ہیں کہ کوئی سوچ نہیں سکتا۔چاہے دفعہ 370 جموں کشمیر سے ہٹانے کا مسئلہ ہو یا دوسرے بڑے فیصلے ہوں۔رام مندر کی تعمیر کا کریڈٹ بھی نریندر مودی کو ہی ملنے والا ہے کیونکہ مودی کے بارے میں کہا جاتا ہے کہ مودی ہے تو ممکن ہے۔