ممبئی: بالی ووڈ اداکار سشانت سنگھ راجپوت کی موت کے کافی دنوں کے بعد سشانت سنگھ کے والد کے کے سنگھ نے اداکار کی گرل فرینڈ ریا چکرورتی  سمیت 6 دیگر لوگوں کے خلاف سنگین الزامات عائد کرتے ہوئے پٹنہ میں کیس درج کرایا۔ انہیں الزامات کے بعد انفورسمنٹ ڈائریکٹوریٹ نے معاملے میں منی لانڈرنگ کا معاملہ درج کیا اور ریا چکرورتی کو سمن جاری کیا تھا، جس کے بعد پہلی بار اداکارہ ریا چکرورتی جمعہ کو سامنے آئیں، جہاں ان سے 8 گھنٹے تک پوچھ گچھ ہوئی۔ انفورسمنٹ ڈائریکٹوریٹ کی پوچھ گچھ کے بعد پہلی بار ریا چکرورتی نے انکشاف کیا کہ سشانت سنگھ راجپوت کی کون کون سی پراپرٹی ان کے پاس ہے۔

سشانت سنگھ راجپوت کی گرل فرینڈ ریا چکرورتی کی طرف سے دو تصویروں کو شیئر کیا  گیا ہے، جس میں انہوں نے بتایا ہے کہ وہ کون سی پراپرٹی ہے، جو سشانت سنگھ کی ہیں اور ان کے پاس ہیں، جس میں سشانت سنگھ راجپوت کے ذریعہ لکھا گیا ایک شکریہ نوٹ اور دوسرا ایک سپر ہے۔
ریا چکرورتی کی نوٹ بک میں سشانت سنگھ راجپوت نے یہ شکریہ نوٹ لکھا تھا، جہاں انہوں نے اپنی زندگی، ریا چکرورتی، ان کی فیملی اور ڈاگی فج کو لیکر شکریہ کا اظہار کیا ہے۔ نوٹ میں لکھے ناموں پر وضاحت دیتے ہوئے، ریا چکرورتی نے لکھا، اور یہ اس کی تحریر ہے، لیلو شوبک ہے، ببو میں سر میرے ڈیڈ ہیں، میم میری موم ہیں، فج اس کا کتا ہے۔

اس کے ساتھ ریا چکرورتی کے پاس سشانت سنگھ راجپوت کا ایک اسپرے ہے، جس پر چھچھورے لکھا ہے۔ اداکارہ کا دعویٰ ہے کہ یہیں دو جائیداد ہیں، جو سشانت سنگھ کی ہیں اور ان کے پاس ہیں۔ حالانکہ سشانت سنگھ راجپوت نے ریا چکرورتی اور اس کی فیملی کے لئے شکریہ نوٹ کب لکھا، یہ ابھی پتہ نہیں چل سکا ہے۔ 

واضح رہے کہ سشانت سنگھ راجپوت معاملے میں سی بی آئی جانچ بھی شروع کردی گئی ہے۔ ایسا مانا جا رہا ہے کہ سی بی آئی بھی ریا چکرورتی سے پوچھ گچھ کرے گی۔ ایسے میں ریا چکرورتی کو ابھی اور بھی کئی سوالوں کے جواب دینے ہوں گے۔ ریا کے بھائی شووک چکرورتی آج بھی ای ڈی آفس پہنچے ہیں، جہاں ان سے پوچھ گچھ کی جارہی ہے۔ شووک اور سشانت کے درمیان اچھی