ممبئی:  بالی وڈ اداکار سشانت سنگھ راجپوت کیس ہر روز  نیا خلاصہ ہو رہا ہے  ۔ نئے نئے انکشافات کے ساتھ ہی اداکارہ ریا چکرورتی   کی  بھی مصیبت بڑھتی جارہی ہے ۔ اب حال ہی میں  ریا کی کال ڈیٹیل کا بھی خلاصہ ہو گیا ہے۔انڈیا ٹوڈے کی خبر کے مطابق  جب سشانت 20سے 24 جنوری 2020 کے درمیان اپنی بہن رانی سے ملنے چنڈی گڑھ پہنچے  تھے ،تب ریا  5 دن میں تقریباً 25 فون کئے تھے ۔

اس رپورٹ میں یہ بھی دعویٰ کیا گیا ہے کہ سشانت نے نومبر میں اپنی بہن سے مدد طلب کرنے کے لئے فون کیا تھا اور اپنی تینوں بہنوں کے ساتھ چندی گڑھ جانے کے لئے ٹکٹ بھی بک کرایا تھا حالانکہ ریا چکرورتی نے اسے بلیک میل کیا اور  اس کو رکنے کے لئے کہا-

نئے نمبر سے کال کر بہنوں سے مانگی مدد
 اس کے بعد  دسمبر میں ، سشانت نے نئے نمبر  سے  فون کیا اور بہنوں سے مدد کی  گہار لگائی ۔ سشانت نے بتایا کہ ریا اور اس کا پریوار انہیں مینٹل ہسپتال میں بھیجنے کی کوشش کر رہا ہے ۔ وہ مینٹل ہسپتال نہیں جانا چاہتے  ہیں۔ وہ ممبئی سے سب کچھ ختم  کرکے  ہماچل میں کہیں سیٹل  ہوں جائیں گے ۔

اس کے بعد وہ گاڑی سے  چلے گئے ۔  انہوں نے خود گاڑی چلائی ، کیونکہ   غلط ادویات لینے کی وجہ سے انہیں  کلاسٹروفوبیا کی شکایت  ہو رہی تھی۔ سشانت خود ڈرائیو کرکے چندی گڑھ  پہنچے اور 2 دن وہاں رہے ۔  اتنے میں سدھارتھ پٹھانی نے ریا کو انکے آنے کے بارے میں بتایا ، جس کے بعد ریا نے انہیں واپس آنے کے لئے بلیک میل کیا اور 3-4 دن میں ا نہیں25 بار فون کیا۔

 بتادیں کہ سشانت کی  14 جون 2020 کو  ممبئی کے باندرا میں واقع اپنے فلیٹ میں  پھانسی  لگا کر خود کشی کر لی تھی ۔ پولیس نے کہا تھا کہ سشانت ڈپریشن کا شکار تھا ، حالانکہ اس نے اتنا بڑا قدم کیوں اٹھایا ، ابھی تک یہ معلوم نہیں ہو سکا ہے۔ اسی دوران ، بیٹے کی موت کے ڈیڑھ ماہ بعد ، سشانت کے والد کے کے سنگھ نے  اس کی گرل فرینڈ ریا چکرورتی کے خلاف ایف آئی آر درج کروائی۔ اسی کے ساتھ ہی اس معاملے میں سی بی آئی تحقیقات کی منظوری بھی مل گئی ہے۔