انٹرنیشنل ڈیسک: بین الاقوامی انسانی تنظیم ریڈ کراس نے کہا کہ اس نے تین نامعلوم افراد کی باقیات جمعہ کے روز اسرائیل کے حوالے کر دئیے  ہیں۔ اسرائیل کی فوج کے ایک افسر نے کہا کہ باقیات کی اب بھی جانچ کی جا رہی ہے اور ممکن ہے کہ یہ باقیات لاپتہ یرغمالیوں کے نہ ہوں۔ ایک ذریعہ  نے نام ظاہر نہ کرنے کی شرط پر بتایا کہ یہ باقیات پہلے ہی غزہ میں حماس کی طرف سے ریڈ کراس کو سونپے گئے تھے ۔ یہ حوالگی اس کے بعد ہوئی جب اسرائیل نے غزہ میں حکام کو 30 فلسطینیوں کی لاشیں واپس کیں۔
حماس کے شدت پسندوں کی جانب سے دو یرغمالیوں کے  باقیات حوالے کیے جانے کے بعد یہ تبادلہ مکمل ہوا، جو اس بات کی علامت ہے کہ اسرائیل حماس جنگ بندی معاہدہ آگے بڑھ رہا ہے۔ جنگ بندی کے تحت یہ پیش رفت اسرائیلی حملوں کے باوجود ہوئی۔ ریڈ کراس کی ثالثی میں لاشوں کا تبادلہ کیا گیا۔ فلسطین سے لاشوں کی واپسی کی تصدیق جنوبی شہر خان یونس کے ناصر ہسپتال کے ایک ڈاکٹر نے کی۔ طبی عملہ لاشوں کی شناخت کرنے کی کوشش کر رہا ہے۔