نئی دہلی:ملک کے بڑے بنکوں میں سے ایک یس بنک پر چھائے بحران سے کروڑوں صارفین کو پریشانی کا سامنا کرنا پڑ رہا ہے ۔ ریزرو بنک آف انڈیا کی جانب سے یس بنک کے بحران کو دیکھتے ہوئے انخلاء کی ایک حد طے کر دی گئی ہے۔اگلے ایک ماہ تک لوگ صرف 50ہزار روپے ہی اپنے کھاتوں سے نکال پائیں گے جس کے بعد لوگوں میںہلچل کا ماحول ہے ۔ دہلی سے لے کر ممبئی ، حیدرآباد اور احمدآباد تک اے ٹی ایم کے باہر لگنے کی بھیڑ جٹ گئی ہے ۔
ممبئی میں یس بنک کی فورٹ برانچ کے پاس شکروار صبح سے ہی بھیڑ لگنی شروع ہوگئی ۔یہاں لوگ بنک کی برانچ ، ای ٹی ایم سے پیسے نکالنے آئے ہیں ۔ حالانکہ ، اس دوران لوگوں کو کئی طرح کی یریشانیوں کا سامنا کرنا پڑرہا ہے کیونکہ ایک شخص پورے ماہ میں صرف 50ہزار روپے ہی نکال سکتا ہے ۔ حالانکہ ، بنک کی طرف سے صارفین کو بتایا جا رہا ہے کہ یہ حالت صرف تین اپریل تک ہی رہیں گے، باقی حالت سدھارنے کی کوشش جاری ہے ۔
ممبئی کے ساتھ ساتھ احمد آباد میں بھی یس بنک کی برانچ کے باہر صارفین کی بھیڑ ہے ۔ حالانکہ ،یہاں روپے نکالنے میں لوگوں کو دقت کا سامنا کرنا پڑ رہا ہے کیونکہ اے ٹی ایم کا سرور ہی ڈائون ہوگیا ہے ۔اب کچھ برانچوں میںجو صارفین اے ٹی ایم سے پیسے نہیں نکال پا رہے ہیں انہیں ٹوکن دیا جا رہا ہے ۔برانچ کی جانب سے بتایاجا رہا کے کہ صرف چیک سے لوگ اپنے 50ہزار روپے نکال سکتے ہیں۔