نیشنل ڈیسک : سرحد پر بڑھ رہی دہشت گردانہ سرگرمیوں کو دیکھتے ہوئے آرمی چیف بپن راوت نے پاکستان کو سخت وارننگ دی ہے ۔ انہوں نے کہا کہ دہشت گردوں کے ساتھ زیادہ دیر تک لکا چھپی کا کھیل نہیں چلے گا ۔ اگر ضرورت پڑی تو ہم ایل او سی (لائن آف کنٹرول) پار کرنے سے بھی نہیں ہچکیں گے ۔ راوت نے کہا کہ پاکستان کو کشمیر میں کسی بھی طرح کی بد امنی پھیلانے کا موقع نہیں دیا جا سکتا ۔ 

ایک اخبار کو دئیے انٹر ویو میں آرمی چیف نے کہا کہ ہندوستان کا رخ بالکل واضح ہے کہ وہ پاکستان کو جموں کشمیر  کے ماحول کا غلط استعمال نہیں کرنے دے گا ۔ انہوں نے کہا کہ ہندوستانی فوج کی طرف سے کی گئی سٹرائکس نے ایک میسج دیا کہ لائن آف کنٹرول ہمیشہ محفوظ ہونی چاہئے  ۔ جب تک کہ دوسری طرف سے ماحول بگاڑنے کی کوشش نہ کی جائے ۔ اگر ہمیں سرحد پار کرنے کی ضرورت پڑی تو ہم کریں گے پھر چاہے وہ ہوا سے ہو یا زمین کے راستے ۔

راوت نے کہا کہ ہندوستان کی طرف سے کئی ثبوت دئیے جانے کے بعد پاکستان کہتا رہا ہے کہ وہ دہشت گردوں کو سپورٹ نہیں کرتا ہے ۔ دفعہ 370 ختم کئے جانے کے بعد انہوں نے صاف کہا کہ وہ کشمیر میں جہاد کے لئے تیار ہیں ۔ پاکستان میں دہشت گردانہ کیمپ چل رہے ہیں ۔ یہاں تک کہ وقت وقت پر انہیں منتقل بھی کیا جاتا ہے ۔  پاکستان پراکسی وار کو ہی اپنا ہتھیار بناتا ہے ۔