نئی دہلی : حیدرآباد میں 25 سال کی خاتون ڈاکٹر سے گینگ ریپ اور قتل کو لے کر پارلیمنٹ سے سڑک تک غصہ دکھائی دے رہا ہے  ۔ جہاں جنتر - منتر پر لوگ پیرو کے روز مجرمین کو جلد سے جلد سخت سزا دینے کیلئے اکٹھے ہوئے وہیں دونوں ایوانوں  میں بھی ممبران سے لے کر راجیہ سبھا کے سپیکر  ایم وینکیا نائیڈو نے بھی سخت الفاظ میں اس واردات کی مذمت کی ہے ۔ وینکیا نائیڈو نے کہا کہ حیدرآباد کے ریپسٹ رحم کے حقدار نہیں ہیں اور انہیں سزا ملنی چاہئے ۔ لوک سبھا سپیکر اوم برلا نے بھی ملک میں ہورہی ایسی وارداتوں پر فکر ظاہر کی ہے ۔ 

'اپنا دل ' کی انوپریا پٹیل نے کہا کہ میں حیدرآباد میں ہوئی بربرتا کی سخت مذمت کرتی ہوں ۔ اس واردات نے ملک کو شرمسار کیا ہے ۔ صوبائی حکومت کا رویہ بیحد افسوس نانک رہا ۔ ملک میں بار بار ایسی وارداتیں ہوتی ہیں اور ایوان اس پر چرچہ کرتا ہے ۔ صوبائی حکومت اور مرکزی حکومت پوری سے ناکام ثابت ہوتی ہیں ۔ 

وہیں وزیر دفاع راجناتھ سنگھ نے کہا لوک سبھا میں کہا کہ اگر اس طرح کی وارداتوں کو روکنے کیلئے ہاؤس میں سخت قانون بنانے پر اتفاق رائے نہیں بنے گی تو حکومت اس کیلئے تیا رہے ۔ انہوں نے ہاؤس میں وقفہ صفر کے دوران حیدرآباد کی واردات کے حوالے سے یہ تبصرہ کیا ۔ راجناتھ سنگھ نے کہا کہ اس سے زیادہ غیر انسانی کام نہیں ہو سکتا ۔ سبھی شرمسار اور دکھی ہیں ۔ انہوں نے کہا کہ نربھیا کانڈ کے بعد اسی ہاؤس میں سخت قانون بنا تھا لیکن اس کے بعد بھی اس طرح کے گھناؤنے جرائم ہورہے ہیں ۔