راجستھان میں ٹونک ضلع کے مالپورا میں راون دہن کے وقت نکالی گئی رام بارات پر پتھرا ؤ کئے جانے سے کشیدگی پیدا ہونے کے بعد بدھ کی صبح پانچ بجے سے غیر معینہ کرفیو لگا دیا گیا۔ ٹونک ضلع کلکٹر کے کے شرما نے کرفیو کے احکامات جاری کرتے ہوئے انٹرنیٹ خدمات پر بھی 10 اکتوبر تک روک لگا دی ہے۔

مالپرا میں کل راون دہن کے وقت نکالی گئی رام بارات پر ایک طبقہ کے لوگوں نے پتھرا ؤکیا اور وہ راون کا پتلا بھی جلانے نہیں دے رہے تھے۔ اس کے بعد دونوں اطراف میں گرما - گرمی کے بعد پتھراؤ کے واقعہ ہوئی۔

پولیس نے مظاہرین کوکھدیڑر صورتحال پر قابو پایا ۔ واقعہ کے بعد علاقے میں بڑی تعداد میں پولیس اہلکاروں کو تعینات کیا گیا ہے۔ بعد میں انتظامیہ کی نگرانی میں آج صبح چار بجے راون کا پتلا جلایا گیا اور اس دوران افراتفری مچی رہی۔ 

دریں اثنا، ممبر اسمبلی کنہیا لال کی قیادت میں تھانے پر دھرنا دیا گیا۔واقعہ کے بعد کچھ لوگوں نے پرانے فسادات کے تصویر وہاٹس ایپ پر شیئر کرکے کشیدگی کو بڑھانے کی کوشش کی۔